កែវ សីហា បង្ហើបគម្រោងជីវិត មិនហ៊ានគិតដល់មហិច្ឆតា

2018-01-24 04:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយទទួលបានការគាំទ្រ និងទទួលស្គាល់ពីមហាជនតារាសម្ដែង ម៉ូដែល និងពិធីការិនី ដែលកំពុងដុះដាលក្នុងវិស័យសិល្បៈ កែវ សីហា បានបង្ហើបពីគម្រោងថ្មីដែលខ្លួនគម្រោងថ្មី ដែលនាងត្រៀមចាប់យក។

ដោយជាប់កុងត្រាបម្រើការងារនៅទូរទស្សន៍អាស៊ីអាគ្នេយ៍ ម្ចាស់ជយលាភី ពេជ្រកំពុងច្នៃ បញ្ជាក់ថា នាងអាចថត ភាពយន្ត ដើរម៉ូត និងធ្វើពិធីការិនីបានតែក្នុងនៅស្ថានីយ១នេះតែប៉ុណ្ណោះ។ សម្រាប់គម្រោងចាកចេញទៅរកទ្រនំក្រោយផ្ដាច់កុងត្រា នាងមិនទាន់គិតដល់ទេ ត្បិតពេលនេះខ្លួនមានការងារក្ដាប់ក្នុងដៃច្រើនស្រាប់។

ក្រៅពីនោះ សីហា រំលឹកថានាងមានគម្រោងជីវិតថ្មី១ទៀត ដែលជំហាននេះឆ្ងាយពីសិល្បៈបន្តិច គឺបង្កើតរបររកស៊ី។ ស្រីស្អាតខាងលើសុំមិនលម្អិតថានឹងបើកជំនួញអ្វីឡើយ តែនាងបញ្ជាក់ថា ក្ដីស្រមៃតូចនេះនឹងលេចរូបរាងនៅពេលឆាប់ៗ។ សម្រាប់មហិច្ឆតាធំក្នុងជីវិតនាងមិនទាន់ហ៊ានគិតដល់ឡើយ៕

អត្ថបទ៖ សុខណា

រូបភាពផ្ដល់សិទ្ធដោយ៖ កែវ សីហា