អតីតកីឡាករជើងខ្លាំង វ៉ន វីវ៉ា និង ឪពុក ឃីម ឌីម៉ា ក្លាយជាគ្រូថ្នាលជម្រើសជាតិគុនខ្មែរ

2018-02-08 08:54:51
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតកីឡាករជើងខ្លាំងរបស់កម្ពុជា វ៉ន វីវ៉ា និង លោក ហេង ប៊ុនឃីម ត្រូវសហព័ន្ធជ្រើសរើសឲ្យក្លាយជាគ្រូបង្វឹកកីឡាករថ្នាលគុនខ្មែរ ដើម្បីត្រៀមការប្រកួតអន្តរជាតិតំណាងកម្ពុជានាកម្មវិធីផ្សេងៗ។

ឯកឧត្ដម តែម ម៉ឺន ប្រធានសហព័ន្ធ

ឯកឧត្ដម តែម ម៉ឺន ប្រធានសហព័ន្ធគុនខ្មែរឲ្យដឹងថា នេះជាលើកទី១ហើយ ដែលប្រដាល់គុនខ្មែរបង្កើតឲ្យមានបណ្ដុះបណ្ដាលយុវជនថ្នាលនេះឡើង។ សម្រាប់គ្រូប្រដាល់ដែលសហព័ន្ធជ្រើសរើសនោះគឺលោក វ៉ន វីវ៉ា និងលោក ហេង ប៊ុនឃីម។

លោក ហេង ប៊ុនឃីម

វ៉ន វីវ៉ា

មូលហេតុដែលសហព័ន្ធរើសអ្នកទាំងពីរឲ្យក្លាយជាគ្រូបង្វឹក គឺដោយសារតែអ្នកធ្លាប់មានស្នាមដៃក្នុងវិស័យមួយនេះ។ វ៉ន វីវ៉ា ជាអតីតជើងខ្លាំងមួយរូប មានថ្វីដៃប្រកួតបានល្អ មូលដ្ឋានប្រកួតច្បាស់លាស់ មានវិន័យ និងមានប្រវត្តិប្រកួតល្អទៀតផង។ ចំណែកលោក ហេង ប៊ុនឃីម គ្រូដែលបានបណ្ដុះបណ្ដាលក្មេងៗមានសមត្ថភាពបានច្រើននៅឯងខេត្តបន្ទាយមានជ័យ និងគ្រូដែលមានច្បាប់ទម្លាប់តឹងរ៉ឹងថែមទាំងមានវិន័យក្នុងក្លឹបទៀតផង ក្រៅពីនោះទៀតក៏ជាក្លឹបដែលជួយឲ្យកីឡាករគុនខ្មែរឈ្នះមេដាយមាសស៊ីហ្គេមដំបូងគេលើកីឡាមួយនេះផង។