សប្ដាហ៍ក្រោយ CCC 2014 នឹងធ្វើឲ្យកក្រើកចេនឡាជាក់ជាមិនខាន

2014-11-12 19:12:46
ចំនួនមតិ 0 | ចំនួនចែករំលែក 0

ចន្លោះមិនឃើញ

សប្ដាហ៍ក្រោយ សាលមហោស្រពចេនឡានឹងមានសភាពអ៊ូអរខុសប្លែកពីធម្មតាជាក់ជាមិនខាន ដោយមានយុវវ័យសម័យបច្ចេកវិទ្យាទំនើបជាច្រើនរូបនឹងបង្ហាញវត្តមាននៅទីនោះ ដើម្បីចូលរួមទស្សនាព្រឹត្តិការណ៍ប្រកួតដ៏អស្ចារ្យប្រចាំឆ្នាំ CCC 2014 ដែលរៀបចំឡើងដោយ Sabay។

អាន៖ YouWIllKnow ៣ ខេត្តមិនទាន់ចេញមុខ សង្ស័យចាំប្រយុទ្ធ CCC ភ្នំពេញ

ក្រោយពីបានសម្រាកប្រមាណជារយៈពេល ១ ខែ បន្ទាប់ពីរកឃើញជើងខ្លាំងតាមខេត្តទាំង ៣ រួចមក ព្រឹត្តិការណ៍ប្រកួតស្វែងរកជើងខ្លាំង AK និង Age Of Naga ប្រចាំតំបន់នឹងវិលមកជួបប្រិយមិត្តវិញសាជាថ្មីម្ដងទៀតហើយនៅសប្ដាហ៍ក្រោយនេះ ដោយនឹងចាប់ផ្ដើមធ្វើការប្រកួតជម្រុះនៅថ្ងៃទី ១៨ ហើយជើងខ្លាំង ៨ ក្រុមចុងក្រោយដែលបានឆ្លងផុតវគ្គជម្រុះនេះ នឹងត្រូវធ្វើការប្រកួតបន្តនៅថ្ងៃទី ២២ ក្នុងសាលមហោស្រពចេនឡា ដើម្បីដណ្ដើមតំណែងជើងខ្លាំងតំណាងក្រុងភ្នំពេញប្រចាំឆ្នាំ ២០១៤ នេះ។

ចំពោះក្រុមដែលទទួលបានជ័យជម្នះក្នុងព្រឹត្តិការណ៍ប្រកួត CCC ភ្នំពេញ ២០១៤ នឹងត្រូវចូលរួមប្រកួតបន្តទៀតក្នុងព្រឹត្តិការណ៍ CCC 2014 National Final នៅថ្ងៃបន្ទាប់គឺទី ២៣ ខែវិច្ឆិកា ជាមួយនឹងជើងខ្លាំងតំណាងខេត្តទាំង ៣ (ព្រះសីហនុ បាត់ដំបង និងសៀមរាប) ផ្សេងទៀត ដើម្បីដណ្ដើមតំណែងជើងខ្លាំងប្រចាំប្រទេសកម្ពុជាក្នុងឆ្នាំ ២០១៤។

អាន៖ JerrySecret តិចនិកប្រើ Snip ធ្លុះមិនចាញ់ ManNiiez របស់ ReBirth

CCC 2014 បានចាប់ផ្ដើមដំណើរបំពេញបេសកកម្មស្វែងរកជើងខ្លាំងនៅតាមខេត្តតាំងពីដើមខែតុលាមកម្ល៉េះ ដោយបានចាប់ផ្ដើមពីខេត្តព្រះសីហនុ បន្តទៅខេត្តបាត់ដំបង និងខេត្តចុងក្រោយគឺខេត្តសៀមរាប។ កាន់តែអស្ចារ្យជាងឆ្នាំមុន សម្រាប់ CCC ឆ្នាំនេះទទួលបានការគាំទ្រយ៉ាងកាន់តែខ្លាំងពីសំណាក់មិត្តៗយុវវ័យ ជាពិសេសគឺមិត្តនារីៗតែម្ដង ដែលធ្វើឲ្យព្រឹត្តិការណ៍ CCC 2014 មានមោទនភាព និងមានភាពកក់ក្ដៅមែនទែនជាមួយនឹងវត្តមានដ៏ណែនណាន់តាន់តាប់បែបនេះ។

CCC (Cambodian Cyber Championship) គឺជាព្រឹត្តិការណ៍ប្រកួតស្វែងរកជើងខ្លាំងសេវាកម្សាន្តនានារបស់ Sabay Leng ប្រចាំខេត្តក្រុង រួចបន្តជម្រុះវគ្គផ្ដាច់ព្រ័ត្រនៅទីក្រុងភ្នំពេញ ដើម្បីរកជើងខ្លាំងពិតប្រាកដចំនួន ២ ក្រុមធ្វើជាតំណាងប្រទេសកម្ពុជា សម្រាប់ចូលរួមប្រកួតលើឆាកអន្តរជាតិក្នុងកម្មវិធី Matic ជាមួយនឹង៦ប្រទេសផ្សេងទៀត (Matic មានសម្រាប់តែ AK Online ប៉ុណ្ណោះ)។

ព្រឹត្តិការណ៍ CCC 2014 នាំមកជូនដោយ Sabay និងក្រុមហ៊ុនទូរសពចល័ត Smart។ Call ទៅលេខ 987 រួចចុចលេខ 1 ដើម្បីស្ដាប់បទចម្រៀងអន្តរជាតិល្បីៗUniversal Music។ ចុច *202# ដើម្បីទទួលបាន ៤០ នាទីសម្រាប់តេក្នុងប្រព័ន្ធជារៀងរាល់ថ្ងៃ។