បាក់ទឹកចិត្តមែនទេ? ចម្រៀង៣បទរបស់ ប្រាក់ សុផាន់ណា ស្តាប់ហើយកាន់តែស្រលាញ់ខ្លួនឯង

2018-03-01 02:21:40
ចំនួនមតិ 0 | ចំនួនចែករំលែក 0

ចន្លោះមិនឃើញ

ចម្រៀង៣បទរបស់អ្នកចម្រៀងជនពិការ ប្រាក់ សុផាន់ណា បានលើកទឹកចិត្តឲ្យអ្នកស្ដាប់ ដែលបាក់ទឹកចិត្តនឹងជីវិតចង់បញ្ចប់ជីវិតឲ្យមានបំណងចង់រស់ឡើងវិញ។

ជីវិតជាកូនកំព្រា និងធ្លាក់ខ្លួនក្លាយជាជនពិការទៀត ប៉ុន្តែ សុផាន់ណា នៅតែមានកម្លាំងចិត្តយ៉ាងរឹងមាំ ចង់បន្តជីវិតនិងកាន់តែស្រលាញ់ជីវិតខ្លួនឯងខ្លាំង។ តោះ! មកស្ដាប់ស្នាដៃនិពន្ធ និងសំនៀងរបស់ សុផាន់ណា ដែលជាសម្រៀងពោពេញដោយការលើកទឹកចិត្ត។

១. ផ្លូវជីវិត អត្ថន័យចម្រៀងរៀបរាប់ពីជីវិតតស៊ូ និត្រូវចេះបំភ្លេចរឿងដែលកន្លងផុត ត្រូវហ៊ានចាប់ផ្តើមសារជាថ្មី។ ជាពិសេសត្រូវចេះស្រលាញ់ជីវិតដែលឪពុកម្តាយបានផ្តល់ឲ្យ មិនត្រូវបំផ្លាញវាចោលឡើយ។ ផ្ទុយទៅវិញត្រូវចេះរកផ្លូវចេញដោយខ្លួនឯង ឬត្រូវស្វែងរកជំនួយពីអ្នកដទៃ ជៀសវាងកុំឲ្យកើតមានបញ្ហាទាំងនោះបន្តទៀត។

២. រឿងខ្ញុំ៖ ចំណែកបទចម្រៀងនេះនិយាយពីជីវិតគ្មានទីពឹង និងបាត់បង់គ្រប់យ៉ាង ទាំងកាយសម្បទា គ្មានទាំងចំណេះដឹង។ ទោះជាជួបបញ្ហាច្រើនបែបនេះ ប៉ុន្តែបទនេះអប់រំមនុស្សមិនឲ្យអស់សង្ឃឹម ហើយត្រូវតាំងចិត្តថាឲ្យតែមានជីវិត មានឱកាសខំប្រឹងបែង សម្រេចជោគជ័យ។ បទ «រឿងខ្ញុំ» បង្ហាញពីជីវិតពិតរបស់អ្នកនិពន្ធកំលោះរូបនេះផងដែរ។

៣.បរាជ័យជាមេរៀន៖ បទដ៏មានអត្ថន័យនេះ និយាយពីជីវិតមនុស្សទាំងអស់សុទ្ធតែជួបបរាជ័យ ដែលធ្វើឲ្បបាត់បង់កម្លាំងចិត្ត ឬគ្មានទំនុកចិត្តក្នុងការចាប់ផ្តើមធ្វើវាសាជាថ្មី។ ជាក់ស្ដែងក្នុងបទនេះបើទោះជាមនុស្សមានភាពខកបំណងច្រើនក៏ដោយ តែមិនត្រូវបោះបង់វាចោលការតាំងចិត្តរបស់ខ្លួនឯងជាដាច់ខាត។ ជាពិសេសមនុស្សមិនត្រូវបណ្ដោយខ្លូនឲ្យរស់នៅក្នុងបញ្ហាឡើយ។

ម្ចាស់ជយលាភី ១ Our Better World ប្រចាំឆ្នាំ២០១៧ ប្រាប់ថា លោកមានគោលដៅចង់សរសេរ និងលើកទឹកចិត្តឲ្យបានច្រើន ដើម្បីអ្នកស្ដាប់មានកម្លាំងចិត្តក្នុងការរស់បន្តទៅមុខទៀត និងរស់នៅដោយមានន័យក្នុងពិភពលោកនេះ៕

អត្ថបទ៖ ច្រឹក ស្រីអូន