ចង់បានសុខភាពបេះដូងល្អ កុំភ្លេចសាកល្បងអាហារទាំង ៩ ប្រភេទនេះ

2018-03-04 06:38:48
ចំនួនមតិ 0 | ចំនួនចែករំលែក 0

ចន្លោះមិនឃើញ

រាងកាយមនុស្សម្នាក់ៗត្រូវការជាតិម៉ាញេស្យូមជាច្រើនដែលជាតិម៉ាញេស្យូមនេះមានតួនាទីជួយត្រួតពិនិត្យកម្រិតជាតិស្ករក្នុងឈាម, ជួយបង្កើនថាមពល, រក្សាតុល្យភាពសម្ពាធឈាម, ផលិតសារជាតិប្រឆាំងភាពចាស់ជរា, និងត្រួតពិនិត្យជាតិប្រូតេអ៊ីន។

បើសិនជាអ្នកកង្វះនូវជាតិម៉ាញេស្យូម, អ្នកនឹងជួបប្រទះនូវអាការដូចជា៖ -គេងមិនលក់

-ចុកចាប់សាច់ដុំ

-អស់កម្លាំង

-ឆ្អឹងពុកផុយ

-ឧស្សាហ៍ឈឺក្បាល

-គ្មានតុល្យភាពអ័រម៉ូន

-ជំងឺបេះដូង

-អស់កម្លាំង

-ជំងឺតប់ប្រមល់

ដូចនេះដើម្បីការពារខ្លួនអ្នកឱ្យជៀសផុតពីជំងឺដែលបណ្ដាលមកពីកង្វះជាតិម៉ាញេស្យូមនេះ, អ្នកគួរដឹងពីអាហារអ្វីខ្លះដែលសំបូរដោយជាតិនេះនិងបរិភោគបន្ថែមឱ្យបានច្រើន។

១. បន្លែពណ៌បៃតង

បន្លែពណ៌បៃតងនេះពិសេសដោយសារតែវាជួយបន្ថែមនូវជាតិម៉ាញេស្យូមទៅក្នុងរាងកាយរបស់អ្នក។

២. គ្រាប់ល្ពៅ

គ្រាប់ល្ពៅគ្រាន់តែជាអាហារសម្រន់សម្រាប់ញ៉ាំលេងពេលអផ្សុកមាត់តែប៉ុណ្ណោះ។ តែវាជាគ្រាប់ធញ្ញជាតិមួយបែប ដែលសំបូរដោយជាតិម៉ាញេស្យូម។

៣. សណ្ដែក Almond

សណ្ដែក Almond ១ Ounce ស្មើរនឹង៨០mg នៃម៉ាញេស្យូមដែលមានសារប្រយោជន៍ដល់រាងកាយទាំងមូល។ សណ្ដែកនេះក៏មានសារធាតុប្រឆាំងភាពចាស់ជរាផងដែរ, ដែលជួយឱ្យរាងកាយមិនងាយចុះទ្រុឌទ្រោម។ លើសពីនេះវាមានវីតាមីន D ដែលមានប្រយោជន៍សម្រាប់ឆ្អឹងនិងសន្លាក់។

៤. ផ្លែចេក

ផ្លែចេកនេះតែងតែជាជម្រើសដ៏ល្អសម្រាប់ជាអាហារពេលព្រឹករបស់អ្នកនិងគ្រួសារ។ ដោយសារដែលវាឆ្ងាញ់និងពោរពេញទៅដោយជាតិម៉ាញេស្យូម, និងប៉ូតាស្យូម។

៥. សូកូឡាពណ៌ខ្មៅ

នេះប្រហែលអាហារដែលអ្នកចូលចិត្តជាងគេក្នុងចំណោមអាហារដែលបានរៀបរាប់ហើយ។ Dark Chocolate គឺសំបូរខ្លាំងទៅដោយម៉ាញេស្យូមដែលរាងកាយរបស់អ្នកត្រូវការ។ ជាការប្រសើរញ៉ាំវាជារៀងរាល់ថ្ងៃ!

៦. សណ្ដែកសៀង

សណ្ដែកសៀងសំបូរដោយជាតិរ៉ែ, ជាតិវីតាមីន, ម៉ាញេស្យូម, និងជាតិ Fiber។

៧. ត្រី

ត្រីជាអាហារសំខាន់មួយដែលសំបូរដោយជាតិម៉ាញេស្យូមនិងផ្ដល់ជាតិ Omega 3 Fatty acids ដល់រាងកាយហើយវាក៏មានវីតាមីន D ផងដែរ។ ហើយប្រភេទត្រីដែលមានការទទួលស្គាល់ថាជាត្រីដែលមាន Omega 3 និង ម៉ាញេស្យូមគឺ ពពួកត្រី Salmon និង Mackerel ។

៨. តៅហ៊ូ

តៅហ៊ូធ្វើមកពីសណ្ដែកសៀងដែលយើងបានរៀបរាប់ខាងលើរួចមកហើយថាវាមានសារជាតិអ្វីខ្លះដែលមានប្រយោជន៍ដល់សុខភាព។ បើអ្នកមិនចង់ញ៉ាំសណ្ដែកសៀងទេអ្នកអាចញ៉ាំតៅហ៊ូនេះជំនួសវិញក៏បាន។

៩. ផ្កាខាត់ណា

ផ្កាខាត់ណា គឺជាបន្លែដែលមានប្រយោជន៍ដល់សុខភាពជាងគេនៅលើទីផ្សារ។ ផ្កាខាត់ណា មួយចានមានម៉ាញេស្យូមជាច្រើនសម្រាប់រាងកាយ។ ផ្កាខាត់ណា មិនសូវជាមានអ្នកចូលចិត្តញ៉ាំប៉ុន្មានទេតែត្រូវចាំថារាងកាយអ្នកត្រូវការវាជាចាំបាច់ដើម្បីមានសុខភាពល្អ៕