ស្ងាត់ៗ ឃុន វុត្ថា ដុតដៃដុតជើងកំណត់ថ្ងៃចូលរោងការបាត់

2018-03-09 04:25:14
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតបេក្ខជនក្នុងកម្មវិធី The Voice រដូវកាលទី១ ឃុន វុត្ថា បានកំណត់ថ្ងៃចូលរោងការជាមួយ កញ្ញា សួស រដ្ឋា ហើយក្រោយពីស្វែងយល់ចិត្តថ្លើមគ្នាអស់រយៈពេលប៉ុន្មានឆ្នាំមកនេះ។

ឃុន វុត្ថា និង សួស រដ្ឋា

ឃុន វុត្ថា បានឲ្យដឹងថា ទំនាក់ទំនងស្នេហារវាងខ្លួន និង សួស រដ្ឋា បើគិតមកដល់ពេលនេះ មានរយៈពេល ៣ឆ្នាំមកហើយ ទើបឪពុកម្ដាយទាំងសង្ខាងសម្រេចជ្រើសរើសថ្ងៃខែឆ្នាំណាមួយកំណត់ចូលរោងការតែម្ដងទៅ ដើម្បីឲ្យមានភាពជឿជាក់ចំពោះគ្នាទៅវិញទៅមក។

ជាមួយអារម្មណ៍សប្បាយរីករាយ ឃុន វុត្ថា បានរៀបរាប់ថា៖" បាទបងខ្ញុំ និងរដ្ឋា ពួកយើងត្រៀមចូលរោងការនៅឆ្នាំ ២០២០ ខាងមុខនេះហើយ សល់តែ២ឆ្នាំទៀតទេ បានជាខ្ញុំពន្យារពេលដល់ទៅ២ឆ្នាំ ដោយសារតែមួយរយៈនេះ យើងទាំងពីរនាក់រវល់ជាមួយការងារសិល្បៈរៀងៗខ្លួន ម្យ៉ាងទៀតពួកយើងក៏នៅក្មេង រង់ចាំដល់ពេលហ្នឹងកើនអាយុបាន ២ ឆ្នាំទៀត"។

អនាគតប្រពន្ធ ឃុន វុត្ថា មានស្រុកកំណើតមកពី ភ្នំពេញ មានមុខរបរជាអ្នករបាំ និងជាអ្នកចម្រៀង ហើយអ្វីដែលពិសេសជាងនេះទៅទៀតនោះ នាង គឺជាមិត្តភ័ក្ដិស្និទ្ធស្នាលជាមួយ កញ្ញា សុភ័ក្រ្ដ កុសុម៉ា ៕