ខ្វះតែ ៧៥ ពាន់លានដុល្លារ Apple នឹងបំបែកបានកំណត់ត្រាថ្មីមួយ

2018-03-13 12:43:49
ចំនួនមតិ 0 | ចំនួនចែករំលែក 0

ចន្លោះមិនឃើញ

គិតត្រឹមថ្ងៃចន្ទមូលធនទីផ្សារនៃក្រុមហ៊ុន Apple បានឡើងខ្ពស់រហូតដល់ ៩២៥,៤ ពាន់លានដុល្លារ ក្រោយក្នុងមួយភាគហ៊ុនមានតម្លៃដល់ ១៨២ ដុល្លារ។ បន្តឈរលំដាប់ទី ១ ក្នុងពិភពលោក នាមជាក្រុមហ៊ុនមានតម្លៃថ្លៃបំផុត តាមពីក្រោយដោយក្រុមហ៊ុនអាមេរិកជាច្រើនទៀត។

តម្លៃមូលធននេះសោត ក៏ខ្ពស់ជាង ១០០ ពាន់លានដុល្លារ ធៀបនឹងក្រុមហ៊ុនឈរលំដាប់ទី ២ Alphabet ហើយខុសគ្នា ១៥០ ពាន់លានដុល្លារ បើធៀបនឹង Amazon។ យ៉ាងណាមិញនេះ ក៏ជាគោលជំហរថ្មីមួយបន្ថែមទៀត សម្រាប់ក្រុមហ៊ុនលោក Tim Cook ក្នុងការបន្តឈានដល់ចំណុចកំពូលស្មើនឹងតម្លៃ ១ (Trillion) ដុល្លារ ដែលពុំទាន់មានក្រុមហ៊ុនណាមួយក្នុងសកលលោកអាចបំបែកបាន។

រំឭកថាមុននេះបន្តិច ក្នុងព្រឹត្តិការណ៍ SXSW នៅរដ្ឋ Texas ក្រុមហ៊ុន Apple ក៏ប្រកាសជាសាធារណៈជុំវិញការទិញយកក្រុមហ៊ុនផ្ដល់សេវាកម្មទស្សនាវដ្ដី Texture ស្របពេលអនុប្រធានជាន់ខ្ពស់លោក Eddy Cue បានច្រានចោលពីទំនាក់ទំនងរវាងក្រុមហ៊ុន Netflix ឬ Disney ថាមិនអាចទៅរួច។