ធនាគារ ABA សម្ពោធអគារការិយាល័យកណ្ដាលថ្មី ឡើងធំប៉ុណ្ណាប៉ុណ្ណី បើក ៧ ថ្ងៃ/១សប្ដាហ៍

2018-03-14 07:56:44
ចំនួនមតិ 0 | ចំនួនចែករំលែក 0

ចន្លោះមិនឃើញ

អគារ ABA ថ្មី ទីតាំងចំចំណុចបេះដូងនៃរាជធានីភ្នំពេញនោះ បានកែមុខមាត់លម្អថ្មី ដោយបានរចនាសន្ធឹងនៃអគារទាំងពីរ ដើម្បីបន្ថែមសោភណភាពតាមបែបផែនទីក្រុងដ៏ទំនើបស៊ីវិល័យ។

ឥឡូវនេះអគារថ្មី មានកន្លែងធំទូលាយ សម្រាប់ប្រជុំ ពិភាក្សាការងារ ក៏ដូចជាកិច្ចការ និងសកម្មភាពកម្សាន្ត ដើម្បីប្ដូរបរិយាកាសរបស់បុគ្គលិកផងដែរ។ សម្រាប់ការបើកអគារសេវាអតិថិជនប្រចាំការិយាល័យកណ្ដាល នៅចំណុចស្ដុបត្រង់កែងមហាវិថីព្រះសីហនុ និងផ្លូវ ៦៣ បង្កើតឡើងក្នុងគោលបំណងពង្រឹងគុណភាពសេវាអតិថិជនឲ្យប្រសើរឡើង ដើម្បីជាការឆ្លើយតបនឹងកំណើនអតិថិជនដែលបន្តកើនឡើងជាលំដាប់។ អគារសេវាអតិថិជន បានបន្ថែមម៉ោងប្រតិបត្តិការ ព្រមទាំងបើកដំណើរការ ៧ថ្ងៃក្នុងមួយសប្ដាហ៍ និងរយៈពេល១២ម៉ោងក្នុង មួយថ្ងៃ ដែលនឹងផ្ដល់ភាពងាយស្រួលបន្ថែមទៀតដល់អតិថិជន។

លោក Askhat Azhikhanov នាយកប្រតិបត្តិ ធនាគារ ABA ថ្លែងឲ្យដឹងកាលពីថ្ងៃ១៤ មីនា ថា៖ "ធនាគារ ABA ដែលជាពិធីសម្ពោធបើកផ្លូវការនៃអគារការិយាល័យ កណ្ដាលដែលត្រូវបានជួសជុល និងតុបតែងលម្អដ៏ថ្មីសន្លាង ជាមួយអគារសេវាអតិថិជនប្រចាំការិយាល័យកណ្ដាលដែលស្ថិតនៅចំចំណុចបេះដូងនៃរាជធានីភ្នំពេញរបស់យើង។

អគារថ្មីនេះ ដើមឡើយបានចាប់ផ្ដើមយុគសម័យទំនើបរបស់ធនាគារ ABA កាលពីឆ្នាំ២០០៦ ដែលកាលណោះ វាជាការិយាល័យកណ្ដាលផង និងជាសាខាទីមួយរបស់ ABA ផង។ ដោយសារការរីកចម្រើនទៅមុខតាមពេលវេលា និងបំពេញតម្រូវការទីផ្សារបច្ចុប្បន្ន ក្រុមហ៊ុនសម្រេចនាំមកនូវអគារទំនើប និងថ្មីសន្លាងនេះ។ នេះបើតាមការបញ្ជាក់បន្ថែមពី នាយកប្រតិបត្តិ ធនាគារ ABA។

មកដល់បច្ចុប្បន្ននេះ ទ្រព្យសកម្មរបស់ធនាគារឡើងដល់ជាង ១.៨ប៊ីលានដុល្លារ អាមេរិក។ បណ្ដាញសាខា ឥឡូវមាន ៥៥សាខា ជាមួយផែនការបន្ថែម ១១សាខាទៀតនៅដំណាច់ឆ្នាំនេះ។ មូលដ្ឋានអតិថិជន ឥឡូវនេះកើនឡើងដល់ ២៥០,០០០នាក់ ដែល ១២០,០០០នាក់ ក្នុងចំណោមនោះ កំពុងតែប្រើប្រាស់យ៉ាងសកម្មនូវកម្មវិធីទូរស័ព្ទដៃដ៏ពេញនិយមរបស់ ABA។

ក្រៅពីនេះ ABA មានសេវាបើកគណនីអនឡាញតាមវិបសាយ សេវាបើកគណនីដល់កន្លែងអតិថិជន សេវាទូទាត់អនឡាញ PayWay សេវា ABA PAY ទូទាត់មិនប្រើសាច់ប្រាក់ ក្នុងកម្មវិធីទូរស័ព្ទ និងផលិតផលក៏ដូចជាច្រើនទៀត៕