បែកធ្លាយ រ៉ូណាន់ បើកផលិតកម្មថ្មីក្រោយប្រកាសដកខ្លួនឈប់ផលិតកុន
- 2018-03-16 03:40:00
- ចំនួនមតិ 0 | ចំនួនចែករំលែក 0
បែកធ្លាយ រ៉ូណាន់ បើកផលិតកម្មថ្មីក្រោយប្រកាសដកខ្លួនឈប់ផលិតកុន
ចន្លោះមិនឃើញ
តាមប្រភពស្និទ្ធស្នាលសុំមិនបញ្ចេញឈ្មោះបានឲ្យដឹងថា ក្រោយពី ចាន់ណា រ៉ូណាន់ ប្រកាសដកខ្លួនចេញពីការងារផលិតកុនរួចមកស្រាប់តែឥឡូវនេះលោក បានមកចាប់ដៃគ្នាជាមួយ ឈុន សុវណ្ណភក្ដី បើកផលិតកម្មថ្មីមួយទៀត។
ប្រភពដដែលអះអាងថា អំឡុងពេលនេះលោក រ៉ូណាន់ ចាន់ណា និង ឈុន សុវណ្ណភក្ដី កំពុងតែដាក់ពាក្យរត់ការស្នើទៅក្រសួងហើយដើម្បីសុំសិទ្ធបើកផលិតកម្ម យ៉ាងយូរ២ភាគហ៊ុនរវាងផលិតករវ័យក្មេងទាំងពីរ នឹងដំណើរការហើយ។
“ចំពោះឈ្មោះផលិតកម្មសុំលាក់សិនមិនទាន់ចង់ប្រាប់នៅពេលនេះទេ ព្រោះ រ៉ូណាន់ និង ភក្ដី គាត់ចង់ឲ្យពុកម៉ែបងប្អូនមានការភ្ញាក់ផ្អើលតាមក្រោយ។ បាទបងផលិតកម្មថ្មីមួយនេះ រ៉ូណាន់ និង ភក្ដី គឺជាចាងហ្វាងផលិតកម្មទាំងពីរនាក់អត់មានអ្នកណាមេអ្នកណាកូនទេ"។ប្រភពខាងលើរៀបរាប់ដូច្នេះ។
ការបើកផលិតកម្មថ្មីរបស់ផលិតករវ័យក្មេងទាំងពីរក្រៅពីផលិតរឿងដាក់បញ្ចាំងនៅរោងកុនហើយនោះក៏មានការផលិតបទចម្រៀងចេញលក់នៅលើទីផ្សារផងដែរ។
ជុំវិញរឿងរ៉ាវការបើកដំណើរការផលិតកម្មថ្មីសាមីខ្លួនទាំង២មិនអាចសុំការបកស្រាយបានទេ ដោយទូរស័ព្ទមិនអាចភ្ជាប់ទំនាក់ទំនងបាន៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
