“Captain America” និង "Deadpool” រួមដៃគ្នាបំពេញបំណងអ្នកគាំទ្រជិតស្លាប់មួយរូប

2018-03-27 04:05:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីអ្នកកាសែតប្រចាំស្ថានីយព័ត៌មាន Fox News អ្នកស្រី Shannon Bream បានបង្ហោះសារនៅលើបណ្ដាញសង្គម Twitter ដើម្បីធ្វើឲ្យក្ដីស្រមៃរបស់ក្មេងប្រុសម្នាក់ហៀបនឹងស្លាប់ក្លាយជាការពិត។

តារាសម្ដែង Chris Evans

តារាសម្ដែង Ryan Reynolds

អ្នកស្រី Shannon បានបង្ហោះសារដូច្នេះថា៖ "ខ្ញុំត្រូវការជំនួយពីអ្នកប្រើប្រាស់បណ្ដាញសង្គម Twitter ទាំងអស់ ដើម្បីជួយបំពេញបំណងរបស់ក្មេងប្រុសដែលជិតស្លាប់ម្នាក់។ ក្មេងប្រុសនោះនៅសល់រយៈពេលតែប៉ុន្មានថ្ងៃតែប៉ុណ្ណោះ ហើយអ្វីដែលគេត្រូវការគឺជួបជាមួយសមាជិកម្នាក់ពីក្រុម Avengers។ ប្រសិនជាអ្នកមានខ្សែទាក់ទងជាមួយពួកគេ សូមប្រាប់ឲ្យខ្ញុំដឹងផង ឬក៏អាចជួយ Retweet សារមួយនេះក៏បាន អរគុណទុកជាមុន។"

ពេលនោះលោក Ryan Reynold ដែលដើរតួជាតួអង្គ "Deadpool” បានសរសេរនៅលើសារមួយនៃបណ្ដាញសង្គម Twitter នោះដែរថា៖ "ខ្ញុំដូចជាសមាជិក Avenger ម្នាក់ដែលគេរក្សាទុកមិនដែលប្រើ ប៉ុន្តែខ្ញុំពេញចិត្តនឹងជួយ ផ្ញើសារមកខ្ញុំមក។"

មិនត្រឹមតែប៉ុណ្ណោះ តារាសម្ដែង Chris Evans ដើរតួជាតួអង្គ Captain America ក៏ពេញចិត្តជួយផងដែរ ដោយបានសរសេរថា លោកពេញចិត្តនឹងទៅជួប ហើយប្រាប់ឲ្យទាក់ទងទៅកាន់ខ្លួន។

លើសពីនេះទៅទៀត តារាផ្សេងៗទៀតនៅក្នុងផលិតកម្ម Marvel គឺអ្នកនាង Chole Bennet និង Paul Bettany ក៏សុទ្ធតែចូលខ្លួនចង់ជួបក្មេងប្រុសម្នាក់នោះផងដែរ៕