នាយ កុយ ស្ទុះស្ទាទាំងទឹកភ្នែករលីងរលោងទៅរក វីតាមីនសេ នៅដង្ហើមចុងក្រោយ

2018-03-29 09:32:10
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីទទួលបានដំណឹងភ្លាមថាស្ថានភាពជំងឺ តាវីតាមីនសេ ធ្លាក់ដល់ដំណាក់កាលចុងក្រោយមិនអាចស្រោចស្រង់បាននាយ កុយ ដែលជាក្រុមកំប្លែងរួមជំនាន់បានរួតរះទៅដល់ផ្ទះ ឪពុកប៉េងប៉ោងមុនគេទាំងទឹកភ្នែករលីងរលោង ដើម្បីឲ្យទាន់ដង្ហើមចុងក្រោយ។

នាយ កុយ បានឲ្យដឹងថា គ្រាន់តែលឺដំណឹងថា តាវីតាមីនសេ ត្រូវបានកូនៗដឹកចេញពីមន្ទីរពេទ្យកាល់ម៉ែត្រ មកសូត្រមន្តសុំសីលនៅផ្ទះក្នុងដង្ហើមចុងក្រោយភ្លាម ខ្លួនបានទាញរថយន្តចេញផ្ទះសំដៅទៅគេហដ្ឋាន វីតាមីនសេ ដែលស្ថិតនៅផ្លូវ ២៧១ ត្រឡោកបែក ហើយខ្លួនក៏បានទៅដល់មុន ដោយអង្គុយរង់ចាំរង់ចាំមិត្តភ័ក្ដិចាស់ប្រហែលកន្លះម៉ោងទើបមកដល់។

ជាមួយទឹកភ្នែករលីងរលោង ដោយមិននឹកស្មានថា តាវីតាមីនសេ ធ្លាក់ខ្លួនដល់ដំណាក់កាលចុងក្រោយនៅអាយុ ៦៩ ឆ្នាំ នាយ កុយ បានរៀបរាប់ថា៖" ខ្ញុំមានពាក្យចង់និយាយច្រើនទៅកាន់ តាវីតាមីនសេ តែមិនអាចនិយាយបាន ដូច្នេះមានសូមជូនបុណ្យកុសល ដែលខ្ញុំធ្វើល្អទាំងប៉ុន្មាន ជូនទៅដល់គាត់ផងចុះ"។

នាយ កុយ បានបញ្ជាក់ខ្លួន និង តាវីតាមីនសេ បានកំប្លែងជាមួយគ្នាជាង ៣០ មកហើយតាំងពីសម័យរដ្ឋកម្ពុជាមកម្ល៉េះ។ ហេតុដូច្នេះហើយទើបធ្វើឲ្យ លោក មានអារម្មណ៍ក្ដុកក្ដួល ព្រោះតែនឹកឃើញអនុស្សាវរីយ៍កម្សត់កម្រជាមួយនាពេលកន្លងមក។

នាយ វីតាមីនសេ មានជំងឺមហារីកថ្លើមធ្ងន់ធ្ងរជាច្រើនឆ្នាំមកហើយ លោកត្រូវបានក្រុមគ្រួសារដឹកយកទៅព្យាបាលជាច្រើនលើកទាំងក្នុង និងក្រៅប្រទេស៕

អត្ថបទ៖ ឆុង ស៊ីណាន