កូនប្រុសពៅ វីតាមីនសេ ប្ដេជ្ញាចិត្តធ្វើឲ្យបានបណ្ដាំចុងក្រោយរបស់ឪពុក

2018-03-30 08:30:27
ចំនួនមតិ 0 | ចំនួនចែករំលែក 0

ចន្លោះមិនឃើញ

មុនពេលកំពូលតារាកំប្លែង វីតាមីនសេ លាទៅកាន់លោកខាងមុខចោលកូនៗ និងភរិយាជាទីស្រឡាញ់ខ្លួន បានផ្ដាំផ្ញើពាក្យពេចន៍ខ្លះៗទៅកាន់កូនប្រុសពៅថា៖" កូនត្រូវចេះស្រឡាញ់ នឹងមើលថែទាំម៉ាក់ឲ្យបានល្អ ពេលអត់ពីប៉ាទៅ ព្រោះម៉ាក់កូនគ្មានសាច់ញាតិណាទេគឺមានតែខ្លួនមួយ"។

លោក ម៉ៅ ច័ន្ទភ័ត្រា កូនប្រុសពៅលោក វីតាមីនសេ

ចំពោះបណ្ដាំគ្រប់ម៉ាត់របស់ឪពុកផ្ដាំផ្ញើមុនពេលផុតដង្ហើមនេះដែរ ម៉ៅ ច័ន្ទភ័ត្រា ជាកូនប្រុសពៅបានប្ដេជ្ញាចិត្តថា នឹងធ្វើឲ្យបានមិនឲ្យឪពុកខ្លួនខកបំណងនោះទេ។លោកថា៖" ទោះបីជាប៉ាគាត់មិនបានផ្ដាំផ្ញើឲ្យខ្ញុំ និងបងៗមើលថែម៉ាក់ក្ដី តែក្នុងនាមយើងជាកូនត្រូវតែមើលថែគាត់ហើយបង តែនៅពេលប៉ាផ្ដាំផ្ញើបន្ថែមទៀត កាន់តែធ្វើឲ្យកូនៗយកចិត្តទុកដាក់មើលថែទាំម៉ាក់កាន់តែខ្លាំងឡើង"។

អ្នកស្រី លីវ ស៊ីថា ភរិយាលោក វីតាមីនសេ

ម៉ៅ ច័ន្ទភ័ត្រា បន្ថែមថា ក្រៅពីពាក្យបណ្ដាំខាងលើឪពុករបស់លោក ក៏បានផ្ដាំផ្ញើឲ្យកូនទាំងអស់ត្រូវចេះស្រឡាញ់គ្នា មើលថែរក្សាគ្នាទៅវិញទៅមក ទើបលោកទៅបានស្ងប់សុខ។

កូនប្រុសស្រីលោកវីតាមីនសេ

កំពូលតារាកំប្លែង វីតាមីនសេ បានទទួលមរណភាពកាលពីវេលាម៉ោង ១២ យប់រំលងអាធ្រាត្រឈានចូលថ្ងៃទី ៣០ ខែ មីនា ឆ្នាំ ២០១៨ ដោយជំងឺមហារីកថ្លើម។ សពរបស់លោក នឹងត្រូវបូជានៅថ្ងៃទី១ ខែ មេសា ឆ្នាំ ២០១៨ នៅវត្តវង្គដបុរី ស្ថិតនៅសង្កាត់ទឹកថ្លា ខណ្ឌសែនសុខ វេលាម៉ោង ៥ ឬ ៦ ល្ងាច៕

ចុចអាន៖ទិដ្ឋភាពតារាកំប្លែងជើងចាស់ច្រើនរូបក្ដុកក្ដួលថ្ងៃបុណ្យសព វីតាមីនសេ

ចុចអាន៖នាយ សានម៉ៅ ត្រដរមកបុណ្យសពលោកតា វីតមីនសេ ទាំងខ្លួនល្ហិតល្ហៃ

អត្ថបទ៖ ឆុង ស៊ីណាន