Mourinho ចាប់អារម្មណ៍ Willian យកទៅជំនួស Mata
- 2018-04-06 03:44:38
- ចំនួនមតិ 0 | ចំនួនចែករំលែក 0
Mourinho ចាប់អារម្មណ៍ Willian យកទៅជំនួស Mata
ចន្លោះមិនឃើញ
Juan Mata អាចចាកចេញពី Manchester United ជំនួសវិញដោយ Willian ដែលជាគោលដៅយូរអង្វែងរបស់ក្លឹប។
លោក Jose Mourinho ព្យាយាមប្រមាញ់ខ្សែប្រយុទ្ធតោខៀវតាំងពីរដូវក្ដៅមុនថែមទាំងបានជួបពិភាក្សាជាមួយតំណាងរបស់កីឡាករ។ កាលនោះ Willian សម្រេចបន្តនៅ Chelsea ប៉ុន្តែ United មិនបានបោះបង់មហិច្ឆតាចង់បានរូបគេចោលទេ។
កុងត្រារបស់តារាឆ្នើមសញ្ជាតិប្រេស៊ីលនៅ Stamford Bridge នឹងអស់សុពលភាពក្នុងឆ្នាំ២០២០ ហើយបើចង់លក់ Chelsea អាចទាមទារថ្លៃ៣០លានផោនដូចគ្នានឹងតម្លៃដែលក្លឹបបានផ្ដល់ឲ្យ Shakhtar Donetsk កាលពី៥ឆ្នាំមុន។
Mata វ័យ៣០ឆ្នាំ និងផុតកុងត្រានៅឆ្នាំក្រោយ បន្ទាប់ពីស្នាក់នៅ Old Traffordតាំងពីឆ្នាំ២០១៤ ដោយបង្ហាញខ្លួនបាន ១៨២ប្រកួត និងស៊ុតបញ្ចូលទី៣៩គ្រាប់។ ក្នុងកិច្ចសន្យា United មានសិទ្ធបន្ថែមកុងត្រាឲ្យកីឡាករសញ្ជាតិអេស្ប៉ាញ១ឆ្នាំទៀត តែលោក Mourinho ទំនងជាមិនប្រើវិធីនេះឡើយ ដោយសារចង់បាន Willian ច្រើនជាង៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
