នាយ កុយ ធ្វើឲ្យតារាសម្ដែងជើងចាស់ ចៅ ចាន់ណារី មានទឹកមាត់លេបពីឯកឧត្ដម ខៀវ កាញារីទ្ធ

2018-04-07 07:59:27
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅព្រឹកនេះ ឯកឧត្ដម ខៀវ កាញារីទ្ធ រដ្ឋមន្ត្រីក្រសួងព័ត៌មាន បានផ្ដល់ប្រាក់ជាបឋមចំនួន៥០០ ដុល្លារតាមរយៈមន្ត្រីរបស់លោក សម្រាប់ទុកជូន តារាសម្ដែងជើងចាស់ លោក ចៅ ចានណារី បន្ទាប់ពីទទួលដំណឹងថា តារារូបនេះកំពុងតែមានជំងឺប្រចាំកាយ និង មានជីវភាពក្រីក្រខ្លាំង។

មិនត្រឹមតែប៉ុណ្ណោះ ឯកឧត្ដម បានផ្ដាំទៅ មន្ត្រីរបស់លោកឲ្យសួ តារារូបនេះ តើនៅស្រុកកំណើតមានដីផ្ទាល់ខ្លួនទេ ប្រសិនបើមានដី លោក និងសង់ផ្ទះជូនថែមទៀតផង។ នេះតាមការឲ្យដឹងពីមន្ត្រីម្នាក់នៅ ក្រសួងព័ត៌មាន។

តាមមន្ត្រីខាងលើ លោករដ្ឋមន្ត្រី បានសន្យាថា ប្រសិនបើ តារាសម្ដែង ចៅ ចាន់ណារី មានដីផ្ទាល់ខ្លួន លោកនិងសង់ផ្ទះជូន ដោយផ្ទះនោះ ស្រដៀងនិងផ្ទះ លោកតា ប្រាជ្ញ ឈួន ដែលសាងសង់ប្រហែលជិត១ម៉ឺនដុល្លារ។

តាមការឲ្យដឹងពី លោក ហេង ឡុង អនាគតស្វាមីអ្នកនាង ចន ចាន់លក្ខិណា លោក ចៅចាន់ណារី និងមកសមាគមសិល្បករខ្មែរនៅ ថ្ងៃច័ន្ទ ខាងមុខនេះ ដើម្បីទទួលអំណោយ ពីគមនាគមន៍ និង សប្បុរសជនផ្សេងទៀត ចំពោះថ្លៃព្យាបាលជំងឺ របស់តារាសម្ដែងជើងចាស់រូបនេះ សមាគមជាអ្នករ៉ាប់រងទាំងអស់។

សូមបញ្ជាក់ផងដែរថា លោក ចៅ ចាន់ណារី គឺជាអតីតតារាសម្ដែងក្នុងទសវត្សរ៍ទី ៩០ ជាមួយអ្នកស្រី អម្ពរ ទេវី ទេព រិនដារ៉ូ ។ បច្ចុប្បន្នលោក កំពុងតែរស់នៅក្នុងខេត្តក្រចេះ ក្នុងសភាពក្រីក្រខ្លាំង ដោយដំណឹងនេះ ទើបតែផ្ទុះឡើងកាលពីពេលថ្មីៗនេះ តាមរយៈនាយ កុយ ដែលបានទៅជួបលោកផ្ទាល់ គ្រាដែលតារាកំប្លែងជើងចាស់រូបនេះ ទៅសម្ដែងសិល្បៈនៅទីនោះ៕

ចុចអាន៖នាយ កុយ ប្រទះឃើញអតីតតារាសម្ដែងឆ្នាំ ៩០ ចៅ ចាន់ណារី ក្នុងសភាពគួរឲ្យអាណិតពន់ពេក

អត្ថបទ៖ ស៊ុន ហ៊ួត