ធ្នូរខ្មែរត្រូវប៉ាន់ ព្រួញចំនួន ១៥ ដើម បាញ់ម្តងតម្លៃ ១ ម៉ឺនរៀល មានយុវជន យុវនារីចូលបាញ់លេងកម្សាន្ត យ៉ាងច្រើនកោះកុះតាំងពីថ្ងៃទី ១ រហូតដល់ថ្លៃទី ៣ ថ្ងៃបុណ្យភូមិនេះ។

លោក ទិល ចាន់លីន ជាគ្រូធ្នរខ្មែរប្រាប់ថា លោកបានយកធ្នូរបង្ហាញក្នុងកម្មវិធី បី ប្រភេទ ហើយមានព្រួញជាង ១០០ គ្រាប់ ហើយក្នុងមួយជួរមានអ្នកបាញ់ពី ៥ ទៅ ៦នាក់។ ហើយក្នុងកម្មវិធីបុណ្យភូមិ ជារៀងរាល់ឆ្នាំរូបលោក និងសមាជិក តែងតែចូលរួមបង្ហាញធ្នូរខ្មែរជាកីឡាកម្សាន្តមួយ ក្នុងនោះយុវជនខ្មែររូបនេះក៏កត់សម្គាល់ថា ធ្នូរខ្មែរ បានក្លាយជាកីឡាពេញនិយមមួយក្នុងកម្មវិធីបុណ្យភូមិ។

ការបាញ់ធ្នូរនេះមានការចូលលេងមិនត្រឹមតែ យុវជនទេ សូម្បីយុវតីស្អាតៗជាច្រើនក៏ចូលលេងកម្សាន្តមិនចាញ់គ្នា​ដែរ​។ ធ្នូរខ្មែរ ជាស្នាដៃផលិតដោយ លោក ទិល ចាន់លីន ដោយស្រង់គំរូពីធ្នូរខ្មែរតាមជញ្ជាំងប្រាសាទអង្គវត្ត ពិសេសគឺស្រាវជ្រាវ វិធីធ្វើពីព្រឹទ្ធាចារ្យចាស់ៗដែលរស់នៅដាច់ស្រយ៉ាល់។ ក្រៅពីនោះ លោក ចាន់លីន សាកល្បងរៀនធ្វើធ្នូរនេះដោយខ្លួនឯង ព្រោះចិត្តស្រលាញ់ រូបលោកចោលការងារទាំងអស់ ពិសេសមុខជំនួញគ្រួសារដ៏សមរម្យ ស្រាវជ្រាវ និងផលិតធ្នូរខ្មែរតែមួយមុខប៉ុណ្ណោះ។

ចាន់លីន ប្រាប់ Sabay ឱ្យដឹងដែរថា កាលដើមឡើយរូបគេមិនមានចំណូលពីការផលិតធ្នូរខ្មែរនេះទេ ហើយក៏​មានការមើលងាយ ថាការងារនេះមិនបានការ តែរូបលោក ដឹងច្បាស់ថា នេះជាកីឡាខ្មែរ ដែលមានលក្ខណៈ​ពិសេសរបស់ខ្មែរ។ ជាពិសេស ធ្នូរខ្មែរមានកម្លាំង និងបាញ់បានឆ្ងាយជាធ្នូរបរទេស ថែមទាំងមានក្បួនខ្នាត និង​សិល្បៈ​រចនាល្អឯកទៀតផង។ មកដល់ពេលនេះជាង ៥ ឆ្នាំហើយ ដែលយុវជនម្នាក់នេះដាក់ខ្លួនផលិតធ្នូរ និងធ្វើការងារបង្ហាញតែធ្នូរខ្មែរ ហើយធ្នូរខ្មែរក៏មានការបង្ហាញជាប្រចាំរបស់ខ្លួន ក្រៅពីបុណ្យភូមិដូចគ្នា៕

ដោយឡែក បើលោកអ្នកចង់ចំណេញច្រើនពេលធ្វើដំណើរទៅលេងបុណ្យភូមិ តាក់ស៊ី Grab ជាជម្រើសល្អបំផុត ព្រោះអីមានប្រូម៉ូសិនបញ្ចុះតម្លៃ ៥០% នៃថ្លៃធ្វើដំណើរសរុបឯណោះ។ ការបញ្ចុះតម្លៃកំណត់ត្រឹម ៤០ ០០០ រៀល ខ្ពស់បំផុតចំពោះការធ្វើដំណើរម្ដង ។ បញ្ចូលកូដ BONNPHUM រាល់ពេលជិះ Grab ទៅលេងបុណ្យភូមិ (ប្រើកូដបាន ២ដង ក្នុងមួយថ្ងៃ) ដែលមានសុពលភាពចាប់ពីថ្ងៃទី ៦-៨ មេសា ២០១៨។ សម្រាប់អ្នកមិនទាន់មាន Grab app សូមចុចត្រង់នេះដើម្បីដោនឡូត៕

អត្ថបទ៖ Sunny