ទីបំផុត លោកដាញ់ ហុងបង្កើតប្រព័ន្ធកុំព្យូទ័រស្គាល់ពាក្យខ្មែរ មិនប្រើ ZWSP បានសម្រេច

2018-04-12 02:40:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ប៉ុន្មានម៉ោងមុននេះ ស្ថាបនិកបង្កើតពុម្ពអក្សរខ្មែរយូនីកូដ លោក ដាញ់ ហុង បានបញ្ចេញឲ្យដឹងពីស្នាដៃបង្កើតថ្មីមួយទៀត គឺប្រព័ន្ធកុំព្យូទ័រដែលអាចស្គាល់អក្សរខ្មែរដោយមិនបាច់ប្រើចន្លោះមើលមិនឃើញ zero-width-space(ZWSP)។

ប្រព័ន្ធ ZWSP

ចន្លោះមើលមិនឃើញ (Zero-width Space-ZWSP) នេះសម្រាប់អ្នកធ្វើវិបសាយ និង ក្រាហ្វិកឌីហ្សាញ(Graphic design) តែលោក ហុង ថាពុំមែនស្ថិតក្នុងស្តង់ដារខ្មែរយូនីកូដទេ។ ការប្រើ ZWSP លើក្តារចុចខ្មែរ កើតឡើងតាំងពីយូរយារណាស់មកហើយ ដើម្បីឲ្យប្រព័ន្ធកុំព្យូទ័រស្គាល់ពាក្យខ្មែរលើបណ្ដាញអ៊ីនធឺណិតបណ្ដោះអាសន្ន ហើយអាចឲ្យអក្សរដែលវាយមកអាចចុះបន្ទាត់បានត្រឹមត្រូវ។

លោក ហុងធ្លាប់បានលើកឡើងថា "អ្វីដែលខ្ញុំចង់បាន គឺសុំឲ្យមានក្តារចុចខ្មែរយូនីកូដ ត្រឹមត្រូវតាមស្តង់ដារ ហើយរឿងប្រព័ន្ធអ៊ីនធឺណិតមិនស្គាល់ពាក្យខ្មែរដែលមិនប្រើ ZWSP មន្រ្តីរដ្ឋាភិបាលទទួលបន្ទុក គួរយកចិត្តទុកដាក់ដោះស្រាយ ដើម្បីឲ្យអ្នកជំនាញព័ត៌មានវិទ្យាទាំងអស់មានឱកាសបង្កើតឲ្យជោគជ័យ"។ មកទល់ពេលនេះ លោកបានព្យាយាមបង្កើតប្រព័ន្ធ ដោយម្នាក់ឯងរហូតចេញជាផ្លែផ្កា៕

ចុចទីនេះ សាកល្បងប្រើកម្មវិធីដាក់ zero-width-space ដោយស្វ័យប្រវត្តិ

អត្ថបទ៖ រក្សា