ពិតជាស្រស់ស្អាត Autumn Allen បង្ហាញឈុតប្រពៃណីខ្មែរនៅអូស្រ្តាលី

2018-04-13 08:42:42
ចំនួនមតិ 0 | ចំនួនចែករំលែក 0

ចន្លោះមិនឃើញ

យុវតីខ្មែរអាមេរិក វ័យ ១៦ឆ្នាំ Autumn Allen កំពុងធ្វើដំណើរកម្សាន្ត និងផ្សព្វផ្សាយពីបទចម្រៀងថ្មីរបស់ខ្លួនដែលមានចំណងជើងថា «This Moment» នៅក្នុងប្រទេសអូស្ត្រាលី ហើយឆ្លៀតថតម៉ូដសម្លៀកបំពាក់ប្រពៃណីខ្មែរថែមទៀត។

ឈុតប្រពៃណីខ្មែរ ដែល Autumn Allen ស្លៀកពាក់នេះ ជាការរៀបចំដោយសម្អាងការខ្មែរមួយនៅអូស្ត្រាលី។ កញ្ញា Autumn Allen ក៏បន្តប្រាប់ឱ្យដឹងទៀតថា នេះជាដំណើរទស្សនកិច្ចរបស់ខ្លួននៅប្រទេសអូស្ត្រាលី ដែលមានរយៈពេលជិត ១ ខែ ក្នុងរយៈពេលមុនបុណ្យចូលឆ្នាំខ្មែរនេះ រហូតដល់ចប់កម្មវិធី តារាចម្រៀងនេះនឹងត្រលប់មកប្រទេសកម្ពុជាវិញ។

មុននឹងកម្មវិធីមកដល់ ក៏មានការទំនាក់ទំនងពីសម្អាងការ និងក្រុមថតរូបនៅប្រទេសអូស្រ្តាលី ទាក់ទងមកថតតែងរបៀបបុរាណបែបនេះ។ ការរៀបចំតែងតួជារបៀបនេះបានធ្វើឱ្យតារាចម្រៀងខ្មែរអាមេរិកម្នាក់នេះ មានភាពចាស់ទុំ ស្រស់ស្អាតដូចកូនក្រមុំខ្មែរ។ ស្រីស្អាត Autumn Allen ក៏បន្តទៀតដែរថា៖ «ខ្ញុំពិតជាមានអារម្មណ៍ប្លែក និងចូលចិត្តរូបភាពក្នុងឈុតប្រពៃណីនេះណាស់ សង្ឃឹមថាបងប្អូនខ្មែរនឹងចូលចិត្តរូបទាំងនេះដែរ»៕