ផលិតផល១នាំពីបារាំង ត្រូវបានហាមឃាត់នៅកម្ពុជា ក្រោយរកឃើញប៉ះពាល់ដល់ជីវិត
- 2018-04-28 04:37:39
- ចំនួនមតិ 0 | ចំនួនចែករំលែក 0
ផលិតផល១នាំពីបារាំង ត្រូវបានហាមឃាត់នៅកម្ពុជា ក្រោយរកឃើញប៉ះពាល់ដល់ជីវិត
ចន្លោះមិនឃើញ
អគ្គនាយកដ្ឋានកាំកុងត្រូលនៃក្រសួងពាណិជ្ជកម្ម កាលពីថ្ងៃទី២៧មេសា បានហាមឃាត់ផលិតផលគ្រាប់អាល់ម៉ុន និងអែបព្រីខត (Bitter Almonds AB Apricot) ដែលមានម៉ាកយីហោ UBERTI ពីទីផ្សារប្រទេសបារាំង បន្ទាប់ពីអាជ្ញាធរបារាំង អគ្គនាយកដ្ឋានប្រកួតប្រជែង កិច្ចការអ្នកប្រើប្រាស់ និងត្រួតពិនិត្យការក្លែងបន្លំនៃក្រសួងសេដ្ឋកិច្ច និងហិរញ្ញវត្ថុ បានជូនដំណឹងដល់កម្ពុជា។
អគ្គនាយកដ្ឋានកាំកុងត្រូលបានចាត់វិធានការភ្លាមៗ និងផ្សព្វផ្សាយដល់ប្រជាពលរដ្ឋ អាជីវករលក់រាយ ទាំងអស់ឲ្យមានការប្រុងប្រយ័ត្នចំពោះផលិតផលដូចបញ្ជាក់ខាងលើ ព្រោះអាចបណ្ដាលឲ្យប៉ះពាល់ដល់សុខភាពធ្ងន់ធ្ងរ ដោយត្រូវបានរកឃើញមានចម្លងចូលនូវសារធាតុ Prussic acid content (Hydrogen cyanide or hydrocyanic acid) ក្នុងបរិមាណជាង ៥០០មិល្លីក្រាម ក្នុង១គីឡូក្រាមផលិតផល លើសពីកម្រិតអនុញ្ញាត ដែលកំណត់ដោយបទប្បញ្ញត្តិគឺ ២០មិល្លីក្រាម ក្នុង១គីឡូក្រាមផលិតផល។
ការទទួលទានម្ហូបអាហារដែលមានផ្ទុកសារធាតុខាងលើហួសកំណត់ អាចបណ្ដាលឲ្យប៉ះពាល់ដល់សរីរាង្គក្រពេញទីរូអ៊ីត (សកម្មភាពទីរូអ៊ីតថយចុះ) និងប្រព័ន្ធសរសៃប្រសាទដែលបង្កជាជំងឺនានា ដូចជា ជំងឺទាក់ទងនឹងការបំផ្លាញជាលិកាប្រព័ន្ធសរសៃប្រសាទ ជំងឺរលាកសរសៃប្រសាទ ជំងឺកង្វះឈាម ដោយសារកង្វះជីវជាតិ B12 ជាដើម៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
