Sylvester Stallone កំពុងចរចាសាច់រឿងចំពោះភាពយន្ត Rambo វគ្គទី ៥

2018-05-06 04:40:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ទោះជាមានវ័យដល់ទៅ ៧១ឆ្នាំហើយក៏ដោយ ក៏តារាសម្ដែង Sylvester Stallone នៅតែចង់សម្ដែងជាតួអង្គទាហាន John Rambo ម្ដងទៀតដែរ។

ខណៈពេលព័ត៌មានចំពោះការចូលរួមសម្ដែងរបស់លោកគឺមិនត្រូវបានបញ្ជាក់នៅឡើយ ប៉ុន្តែលោក Avi Lerner អ្នកដឹកនាំប្រចាំក្រុមហ៊ុនផលិតរឿង Millennium កំពុងតែរៀបចំគម្រោងនេះ ជាមួយនឹងថ្ងៃកំណត់សម្រាប់ថតនៅខែកញ្ញាឆ្នាំនេះ។ លោក Stallone អាចកំពុងតែសស្រាក់សស្រាំក្នុងការ សរសេរប៉ារ៉ូលរឿង ដោយដៃគូផលិតរឿង Expendables របស់លោកឈ្មោះ Lerner នឹងជាអ្នកផលិត។

ចំពោះសាច់រឿងវគ្គថ្មីនេះអាចពាក់ព័ន្ធនឹងការចាប់ជំរិតកូនស្រី មិត្តរបស់លោក ដូច្នេះហើយទើប Rambo ត្រូវឆ្លងកាត់ព្រំដែនប្រទេស Mexico និងជួបប្រទះតទល់ជាមួយក្រុមជួញដូរដ៏គ្រោះថ្នាក់និងកាចសាហាវបំផុតនៅទីនោះ។

ភាពយន្តវគ្គដំបូងរបស់ Rambo បានបញ្ចេញកាលពីឆ្នាំ ១៩៨២ ហើយក៏បានចេញវគ្គថ្មីជាបន្តបន្ទាប់ និងបានធ្វើឲ្យលោក Sylvester Stallone ក្លាយជាតារាល្បីលំដាប់កំពូលមួយរូប៕

ប្រភព៖ deadline ប្រែសម្រួល៖ ធារ៉ូ