សាន់ដេ បកស្រាយ រឿង អ៊ីវ៉ា ចូលថោន

2018-05-10 09:17:44
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយលេចធ្លាយរូបថតរបស់តារាចម្រៀង អ៊ីវ៉ា មានវត្តមានចូលរួមពិធីមង្គលការកូនស្រីថៅកែផលិតកម្មថោនកាលពីម្សិលមិញ ពេលនេះលោក ឡាយ សុខចំរើន ម្ចាស់ផលិតកម្មសាន់ដេបានចេញមកអះអាងថា កញ្ញាអ៊ីវ៉ាមិនបានទៅថោននោះទេ ។ អ៊ីវ៉ានៅតែជាតារាចម្រៀងក្នុងផលិតកម្មខ្លួនដដែរ ហើយការចូលរួមនោះគ្រាន់ជាការរាប់អានគ្នាធម្មតាប៉ុណ្ណោះ។

លោកបញ្ជាក់ថា តាមពិតក្នុងថ្ងៃមង្គលការនោះមានតារាជាច្រើនក្រៅពីថោនចូលរួមដែរ មិនមែនមានតែកញ្ញា អ៊ីវ៉ាម្នាក់ប៉ុណ្ណោះទេ ហើយសូម្បីតែលោកខ្លួនឯងផ្ទាល់ក៏ចូលរួមផងដែរ។

លោកថា៖ "ធម្មតាពេលការគេហៅ ដូច្នេះត្រូវទៅហើយព្រោះជាការរាប់អានគ្នា ហើយអ៊ីវ៉ាសុទ្ធតែមានមិត្តភ័ក្ដិរួមអាជីពនៅទីនោះច្រើនដែរ"។

ចំពោះកុងត្រារបស់តារាចម្រៀងមកពីខេត្តកំពង់ស្ពឺនៅសាន់ដេយ៉ាងណានោះ លោកសុំមិនបកស្រាយនោះទេ ។ លោកថា សាន់ដេរនៅតែបន្តផលិតបទចម្រៀងជូនអ៊ីវ៉ាជានិច្ច៕