សម្រស់ សុផា លីនដា ស្អាតប្លែកមើលមិនចង់ស្គាល់

2018-05-13 02:55:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះតារាសម្ដែង សុផា លីនដា បានធ្វើឲ្យហ្វេនៗមានការចាប់អារម្មណ៍យ៉ាងខ្លាំង ចំពោះការប្រែប្រួលរូបសម្រស់របស់នាង ដល់ថ្នាក់ធ្វើឲ្យមតិមួយចំនួនលើកឡើងថា អតីតគូស្នេហ៍ នៅ ស៊ីនឿន រូបនេះទៅលួចកែកុនសម្ផស្សទើបស្អាតប្លែក មើលមិនចង់ស្គាល់។

ជុំវិញរឿងរ៉ាវនេះ សុផា លីនដា បានបដិសេធថា ខ្លួនមិនបានលួចទៅកែកុនសម្ផស្សនៅទីណានោះទេ ហើយចំពោះរូបថតមួយសន្លឹកដែលបង្ហោះនៅលើហ្វេសប៊ុក មើលទៅស្អាតខុសប្លែកពីពេលមុន មកពីអ្នកជំនាញផាត់មុខឲ្យនាង ថតឲ្យកម្មវិធីមួយតែប៉ុណ្ណោះ។

ប្រសិនបើអតីតគូស្នេហ៍ នៅ ស៊ីនឿន រូបនេះទៅកែកុនសម្ផស្សនៅត្រង់កន្លែងណាមួយ នៃដងខ្លួន ឬ ទម្រង់មុខនាង គ្មានអ្វីត្រូវលាក់បាំងមហាជន នោះឡើយ។

សម្រស់ សុផា លីនដា ដែលគាំទ្រមើលមិនចង់ស្គាល់

នាងថា៖" ខ្ញុំមិនបានទៅកែកុនមុខមាត់មកពីណាបង គឺខ្ញុំផាត់មុខសោះហ្នឹង សម័យនេះទៅហើយការផាត់មុខមាត់ ដោយអ្នកជំនាញ ក៏អាចធ្វើឲ្យទម្រង់មុខយើងមានការប្រែប្រួលស្អាតប្លែកភ្នែកដែរ បង"៕

អត្ថបទ៖ ឆុង ស៊ីណាន