ឡើងច្រៀងមិនបានប៉ុន្មាន ត្រូវ Simon បញ្ឈប់ តែបេក្ខជននេះខំធ្វើរឿង១រហូតបានប៊ូតុងមាស
- 2018-05-21 04:27:42
- ចំនួនមតិ 0 | ចំនួនចែករំលែក 0
ឡើងច្រៀងមិនបានប៉ុន្មាន ត្រូវ Simon បញ្ឈប់ តែបេក្ខជននេះខំធ្វើរឿង១រហូតបានប៊ូតុងមាស
ចន្លោះមិនឃើញ
កម្មវិធី Britain's Got Talent បានវិលមកម្ដងទៀតក្នុងសប្ដាហ៍ថ្មី ដោយនាំមកនូវបេក្ខភាពសុទ្ធសឹងក្លាហានឡើងបញ្ចេញសមត្ថភាពជាច្រើននាក់។
ក្នុងចំណោមអ្នកទាំងនោះ បេក្ខជនអាយុ ២២ឆ្នាំម្នាក់មកពីប្រទេសវ៉ែលភាគខាងជើង មានឈ្មោះ Gruffydd Wyn បានធ្វើឲ្យទាំងគណៈកម្មការ និងទស្សនិកជនគាំងយោបល់គ្រប់គ្នា ក្រោយចាប់យកវិញ្ញាសាច្រៀងមកសម្ដែងដល់អ្នកគ្រប់គ្នាទស្សនា។
ផ្អែកតាមវីដេអូ បេក្ខជនរូបនេះហាក់ភ័យញ័របន្តិចបន្តួចមុនដំបូង ហើយរហូតដល់ពេលច្រៀង ក៏ Gruffydd ជួបឧបសគ្គដល់ថ្នាក់គាំងច្រៀងលែងចេញមួយសន្ទុះ។ គណៈកម្មការ Simon ក៏សម្រេចឲ្យផ្អាកសិន ដើម្បីទុកពេលឲ្យបេក្ខជនរូបនេះ សម្រាកបន្ធូរអារម្មណ៍បន្តិច ទើបឲ្យចាប់ផ្ដើមម្ដងទៀត។
អ្វីៗស្រាប់តែកើតឡើងធ្វើឲ្យភ្ញាក់ ស្មានមិនដល់ ព្រោះការសម្ដែងជាលើកទី ២នេះ Gruffydd ប្រឹងស្រែកច្រៀង រហូតអ្នកទស្សនា និងគណៈកម្មការទាំង ៤ពីមុខទប់ចិត្តមិនបានងើបឈរទះដៃសាទរគ្រប់គ្នា ពីទឹកដមដ៏មានកម្លាំងរបស់លោក។ ដោយសារភាពអស្ចារ្យនេះ បានធ្វើឲ្យ Gruffydd ទទួលបានប៊ូតុងមាសភ្លាមៗក្រោយច្រៀងចប់៕
ទស្សនាទិដ្ឋភាពរំភើបនេះដូចខាងក្រោម៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
