មកដឹងប្រាក់បៀវត្សទាំង ២៣ មុខតំណែង ក្នុងក្រុមហ៊ុន Apple មួយៗមិនចេះតិច

2018-06-01 02:10:16
ចំនួនមតិ 0 | ចំនួនចែករំលែក 0

ចន្លោះមិនឃើញ

និយាយដល់ Apple មនុស្សភាគច្រើនសុទ្ធតែស្គាល់ពីផលិតផលរបស់ក្រុមហ៊ុនយក្សផ្នែកបច្ចេកវិទ្យាអាមេរិកមួយនេះ ដូចជា iPhone និងកុំព្យូទ័រប្រភេទ Mac ជាដើម ដែលមានតម្លៃថ្លៃ ធ្វើឲ្យក្រុមហ៊ុននេះរកចំណូលបានមិនតិចជាងខ្ទង់ពាន់លានដុល្លារទេ ក្នុងមួយឆ្នាំៗ។

បើនិយាយពីការងាររបស់បុគ្គលិក Apple វិញ ក៏មានប្រាក់បៀវត្សមិនធម្មតាដែរ គឺខ្ទង់រាប់សែនដុល្លារឯណោះក្នុងមួយឆ្នាំៗ។ ពេលនេះ Sabay សូមអ្នកទាំងអស់គ្នាមើលដឹងពីប្រាក់បៀវត្សប្រចាំឆ្នាំ នៃមុខតំណែងទាំង ២៣ នៅក្នុងក្រុមហ៊ុនយក្សមួយនេះ។

គួរបញ្ជាក់ផងដែរថា ប្រាក់បៀវត្សប្រចាំឆ្នាំនេះ មិនទាន់រាប់បញ្ចូលប្រាក់លើកទឹកចិត្តបន្ថែមផង ហើយដំណែងកំពូលដូចជា នាយកប្រតិបត្តិ (CEO) ក្រុមហ៊ុន លោក Tim Cook មិនត្រូវបានបង្ហាញឡើយ។ មួយវិញទៀត ដំណែងឈ្មោះតែមួយតែមានលេខរ៉ូម៉ាំងខុសគ្នាមានន័យថា លេខរ៉ូម៉ាំងកាន់តែធំ គឺតំណែងកាន់តែខ្ពស់ មានភារកិច្ចច្រើនជាង នាំឲ្យប្រាក់បៀវត្សក៏ច្រើនជាងដែរ។

២៣. វិស្វករ ផ្នែករចនា Hardware ASIC microchips ( ១៥៧ ៧៨០ ដុល្លារ/ឆ្នាំ )

វិស្វករ ផ្នែករចនា Hardware ASIC microchips ជាអ្នកគូររូបការរចនាផលិតផល និងរូបគំរូផលិតផលថ្មីៗ។

២២. វិស្វករជាន់ខ្ពស់ ផ្នែករចនារូបរាងខាងក្រៅ ( ១៦២ ៩៨៨ ដុល្លារ/ឆ្នាំ )

វិស្វករជាន់ខ្ពស់ ផ្នែករចនារូបរាងខាងក្រៅទទួលភារកិច្ចក្រោយការរចនាលេចចេញមក។ ពួកគេមានភារកិច្ចដឹកនាំក្រុម ឲ្យធ្វើផលិតផលគំរូ បង្កើតវាឡើង កែច្នៃឲ្យស្អាត ហើយចាំវាយតម្លៃ។

២១. អ្នកគ្រប់គ្រង់ ផ្នែកវិស្វកម្ម Software ( ១៦៣ ២១២ ដុល្លារ/ឆ្នាំ )

អ្នកគ្រប់គ្រង់ ផ្នែកវិស្វកម្ម Software ទទួលបន្ទុកផ្នែក ដឹកនាំក្រុមផលិតកំណែអាប់ដេត iOS និង MacOS ហើយនឹងកម្មវិធីផ្សេងៗ។

២០. អ្នកគ្រប់គ្រងផ្នែកទិញដូរ ( ១៦៤ ៩៩៨ ដុល្លារ/ឆ្នាំ )

អ្នកគ្រប់គ្រងផ្នែកទិញដូរ ធ្វើការជាមួយផ្នែកឃ្លាំង និងហិរញ្ញវត្ថុដើម្បី គ្រប់គ្រងសំណពីអ្នកផ្គត់ផ្គង់ ហើយបោះយុទ្ធសាស្ត្រក្នុងការទិញ ដើម្បីរក្សាកញ្ចប់ថវិកាក្នុងក្រុមទាំងអស់។

១៩. អ្នកគ្រប់គ្រងជាន់ខ្ពស់ ផ្នែកទីផ្សារផលិតផល ( ១៦៧ ១៣៣ ដុល្លារ/ឆ្នាំ )

អ្នកគ្រប់គ្រងជាន់ខ្ពស់ ផ្នែកទីផ្សារផលិតផល ទទួលបន្ទុករកវិធីវាយលុកទីផ្សារសម្រាប់ផលិតផលទាំងអស់របស់ Apple។

១៨. អ្នកគ្រប់គ្រង ផ្នែកអភិវឌ្ឍ Software ( ១៦៨ ៦៩២ ដុល្លារ/ឆ្នាំ )

អ្នកគ្រប់គ្រង ផ្នែកអភិវឌ្ឍ Software គ្រប់គ្រងវិស្វករ អភិវឌ្ឍកម្មវិធី។ ទម្រាំអាចទទួលបានដំណែងនេះ យ៉ាងហោចណាស់ក៏ត្រូវមានបទពិសោធន៍ ១០ ឆ្នាំដែរ។

១៧. អ្នកគ្រប់គ្រងជាន់ខ្ពស់ ផ្នែកហិរញ្ញវត្ថុ ( ១៧០ ០៥៣ ដុល្លារ/ឆ្នាំ )

អ្នកគ្រប់គ្រងជាន់ខ្ពស់ ផ្នែកហិរញ្ញវត្ថុ ជាអ្នកកាន់លុយក្នុងក្រុមហ៊ុន។ ព័ត៌មានទាក់ទងចំណូលចំណាយ និងកញ្ចប់លុយនានា ត្រូវឆ្លងកាត់អ្នកគ្រប់គ្រងជាន់ខ្ពស់ ផ្នែកហិរញ្ញវត្ថុទាំងអស់។

១៦. អ្នកគ្រប់គ្រងជាន់ខ្ពស់ផ្នែកផលិតផល ( ១៧០ ០០០ ដុល្លារ/ឆ្នាំ )

អ្នកគ្រប់គ្រងជាន់ខ្ពស់ផ្នែកផលិតផល ជាអ្នកកំណត់ផ្លូវដើររបស់ផលិតផល កំណត់គោលដៅសម្រាប់ក្រុមការងារ ហើយទាក់ទងទៅនឹងផ្នែកបង្កើតផលិតផល គ្រប់ផ្នែកទាំងអស់ក្នុងក្រុមហ៊ុន រួមទាំងអ្នកកាន់កាប់ភាគហ៊ុនផងដែរ។

១៥. វិស្វករកម្រិត V ផ្នែកធ្វើកម្មវិធី Software ( ១៧៥ ៣០៧ ដុល្លារ/ឆ្នាំ )

វិស្វករកម្រិត V ផ្នែកធ្វើកម្មវិធី Software ជាវិស្វករ ដែលមានសមត្ថភាពខ្ពស់បំផុត និងមានបទពិសោធន៍ច្រើនឆ្នាំ។ កម្រិត V ជាកម្រិតធំផុតលេខតាមមុខដំណែង។

១៤. អ្នកគ្រប់គ្រងជាន់ខ្ពស់ ផ្នែកប្រតិបត្តិការ ( ១៧៩ ២១១ ដុល្លារ/ឆ្នាំ )

អ្នកគ្រប់គ្រងជាន់ខ្ពស់ ផ្នែកប្រតិបត្តិការមានតួនាទី តម្រង់ទិសបុគ្គលិក និងត្រូវប្រាកដថាពួកគេធ្វើការជាធ្លុង ដើម្បីផ្ដល់ជាផលិតកម្មដល់ក្រុមហ៊ុនដូចជា ការអនុវត្តឲ្យល្អបំផុតសម្រាប់គោលការណ៍ក្រុមហ៊ុន ការឃ្លាំមើលកញ្ចប់ថវិកាជាដើម។

១៣. អ្នកគ្រប់គ្រង ផ្នែកវិស្វកម្ម ( ១៨០ ៤៦៧ ដុល្លារ/ឆ្នាំ )

អ្នកគ្រប់គ្រង ផ្នែកវិស្វកម្ម ជាដំណែងដែលអាស្រ័យទៅតាម នាយកដ្ឋានដែលគេធ្វើការឲ្យ។ តែនិយាយជារួម អ្នកគ្រប់គ្រង ផ្នែកវិស្វកម្មជាអ្នកដឹកនាំក្រុម អភិវឌ្ឍ User Interface ធ្វើកម្មវិធី Front-end ដែលប្រើ Java Script និង CSS ជាដើម។

១២. វិស្វករកម្រិត V ផ្នែក Software ( ១៨១ ០០០ ដុល្លារ/ឆ្នាំ )

វិស្វករកម្រិត V ផ្នែក Software ជាអ្នកសរសេរ រចនា អភិវឌ្ឍ និងកែច្នៃ Software កម្មវិធី និងប្រព័ន្ធប្រតិបត្តិការ។

១១. អ្នករចនា ផ្នែកឧស្សាហកម្ម ( ១៨២ ៨២៣ ដុល្លារ/ឆ្នាំ )

លោក Jonh Ive ធ្លាប់ជាអ្នកអ្នកដឹកនាំផ្នែកនេះ មុនពេលឡើងដំណែងជា នាយកផ្នែករចនា

អ្នករចនា ផ្នែកឧស្សាហកម្មមានតួនាទី ធ្វើយ៉ាងណាឲ្យផលិតផល មើលមកនិងមានអារម្មណ៍តាមដែលគេចង់បាន។

១០. វិស្វករជាន់ខ្ពស់ ផ្នែកវិស្វកម្ម Software ( ១៩៤ ៧៨៦ ដុល្លារ/ឆ្នាំ )

វិស្វករជាន់ខ្ពស់ ផ្នែកវិស្វកម្ម Software ជួយដល់គំរូពាណិជ្ជកម្មរបស់ Apple ឲ្យ មានភាពឈានមុនគេក្នុងការរចនា និងអភិវឌ្ឍ Software។

៩. អ្នកគ្រប់គ្រងកម្រិត II ផ្នែកវិស្វកម្ម ( ១៩៧ ៣៩៣ ដុល្លារ/ឆ្នាំ )

អ្នកគ្រប់គ្រងកម្រិត II ផ្នែកវិស្វកម្មជាអ្នកដែលមានបទពិសោធន៍ចាស់វស្សា មានគំនិតច្នៃប្រឌិតខ្ពស់ក្នុងការ និងបង្កើតបរិយាកាសល្អ ឲ្យអ្នកធ្វើការក្រោមបង្គាប់មានគំនិតថ្មីៗ និងច្នៃប្រឌិត ដើម្បីដោះស្រាយបញ្ហាប្រឈម។

៨. អ្នកគ្រប់គ្រងកម្រិត III ( ២០០ ០៣៣ ដុល្លារ/ឆ្នាំ )