បន្ទាប់ពីបែកបាក់សង្សារជាអ្នកដឹកនាំរឿង ពេលនេះ Jennifer Lawrence រកបានស្នេហ៍ថ្មី!
- 2018-06-08 23:30:00
- ចំនួនមតិ 0 | ចំនួនចែករំលែក 0
បន្ទាប់ពីបែកបាក់សង្សារជាអ្នកដឹកនាំរឿង ពេលនេះ Jennifer Lawrence រកបានស្នេហ៍ថ្មី!
ចន្លោះមិនឃើញ
តារាសម្ដែង Jennifer Lawrence និងអ្នកដឹកនាំរឿងលោក Darren Aronofsky បានទាក់ទងគ្នាមួយរយៈកាលពីឆ្នាំ ២០១៧ ប៉ុន្តែក្រោយមកក៏បែកគ្នាទៅវិញ។ អស់រយៈពេលជាង ៩ខែក្រោយមកពេលនេះ Jlaw រកបានសង្សារថ្មីហើយ ដោយបានបណ្ដើរគ្នាយ៉ាងសម្ញែងនៅទីសាធារណៈ។
បើតាមរូបថតពិសេសពីសារព័ត៌មាន Daily Mail ថតបានកាលពីដើមសប្ដាហ៍កន្លងទៅនេះ គេសង្កេតឃើញ តួរឿង "Hunger Games” បានដឹកដៃគ្នាជាមួយលោក Cooke Maroney នៅទីក្រុង New York យ៉ាងស្និទ្ធស្នាល។ អ្នកទាំងពីរក៏បានចូលញ៉ាំអាហារជាមួយគ្នា និងចំណាយពេលយ៉ាងសប្បាយរីករាយនៅល្ងាចនោះផងដែរ។
លោក Cooke Maroney គឺជាអ្នកជំនាញខាងសិល្បៈគំនូរមួយរូបនៅទីក្រុង New York។ ស្នាដៃរបស់លោក គឺសុទ្ធតែដាក់លក់ឲ្យបុគ្គលល្បីៗនៅហូលីវូដ ដូចជាឪពុករបស់តារាសម្ដែង Lena Dunham លោក Carroll Dunham ព្រមទាំង Anish Kapoor, Ricahrd Prince និង Matthew Barney ជាដើម៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
