ពាក់កណ្ដាលម៉ារ៉ាតុងភ្នំពេញ គិតត្រឹមពេលនេះអ្នកចុះឈ្មោះមានជាង ៣ពាន់នាក់
- 2018-06-12 07:20:30
- ចំនួនមតិ 0 | ចំនួនចែករំលែក 0
ពាក់កណ្ដាលម៉ារ៉ាតុងភ្នំពេញ គិតត្រឹមពេលនេះអ្នកចុះឈ្មោះមានជាង ៣ពាន់នាក់
ចន្លោះមិនឃើញ
គិតត្រឹមព្រឹកថ្ងៃនេះចំនួននៃអ្នកចុះឈ្មោះចូលរួមព្រឹត្តិការណ៍ ពាក់កណ្ដាលម៉ារ៉ាតុងភ្នំពេញមានចំនួនជាង ៣ពាន់នាក់ហើយហើយ ដែលព្រឹត្តិការណ៍នេះនឹងចាប់ផ្ដើមថ្ងៃទី១៧ ខែមិថុនា ឆ្នាំ២០១៨ នៅមុខព្រះបរមរាជវាំង។
ថ្លែងក្នុងឱកាសសន្និសីទកាសែតកាលពីព្រឹកមិញនេះឯកឧត្ដម វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជាបានឲ្យដឹងថា គិតត្រឹមពេលនេះជនបរទេសដែលបានចុះឈ្មោះរួចរាល់រួមមាន ៦១៨ នាក់មកពី៣៩ ប្រទេស។ ចំនួននៃជនបរទេសទាំងនេះមួយភាគធំគឺរត់ចម្ងាយ ២១គីឡូម៉ែត្រ ហើយមាន ៣ប្រទេសដែលមានច្រើនជាងគេគឺ ជប៉ុន បារាំង និងចិន។
អគ្គលេខាធិការរូបនេះរំពឹងថា ទម្រាំដល់ថ្ងៃចាប់ផ្ដើមនឹងអាចមានចំនួនអ្នកចូលរួមកើនឡើងដល់ជាង ៤ពាន់នាក់។ ឆ្នាំនេះផ្លូវរត់គឺមានភាពខុសប្លែកជាងកាលពីឆ្នាំមុនៗ ដោយឆ្នាំមុនៗរត់ឆ្លងពានជ្រោយចង្វា ទៅកាន់ត្រើយម្ខាង ដោយឡែកឆ្នាំនេះ រត់តែក្នុងភ្នំពេញប៉ុណ្ណោះ។
សម្រាប់តម្លៃនៃការចុះឈ្មោះជនបរទេស៖ ចម្ងាយ ២១គីឡូម៉ែត្រ ៤០ ដុល្លារអាមេរិក ចម្ងាយ ១០គីឡូម៉ែត្រ ៣០ ដុល្លារអាមេរិក ចម្ងាយ ៣ គីឡូម៉ែត្រ ១០ ដុល្លារអាមេរិក
សម្រាប់តម្លៃនៃការចុះឈ្មោះប្រជាជនកម្ពុជា៖ ចម្ងាយ ២១គីឡូម៉ែត្រ ១៥ ដុល្លារអាមេរិក ចម្ងាយ ១០គីឡូម៉ែត្រ ១០ ដុល្លារអាមេរិក ចម្ងាយ ៣ គីឡូម៉ែត្រ ៥ ដុល្លារអាមេរិក
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
