Nick Jonas និងតារាបូលីវូដ Priyanka Chopra កំពុងតែស្និទ្ធស្នាលគ្នាខ្លាំង
- 2018-06-14 06:35:00
- ចំនួនមតិ 0 | ចំនួនចែករំលែក 0
Nick Jonas និងតារាបូលីវូដ Priyanka Chopra កំពុងតែស្និទ្ធស្នាលគ្នាខ្លាំង
ចន្លោះមិនឃើញ
ខណៈពេលដែល Ariana Grande និង Pete Davidson ទើបតែក្លាយជាគូស្នេហ៍ល្បីដំបូងប្រចាំរដូវក្ដៅ ឥឡូវគូស្នេហ៍មួយគូនេះក៏មិនធម្មតាដែរ។ តារាចម្រៀង Nick Jonas និងតារាសម្ដែង Priyanka Chopra បានចាប់ផ្ដើមទាក់ទងគ្នាស្ងាត់ៗ ប៉ុន្តែមើលទៅពួកគេពិតជាកាន់តែស្និទ្ធស្នាលនិងស៊ីជម្រៅកាន់តែខ្លាំងឡើង។
ទំនាក់ទំនងនេះត្រូវបានចាប់អារម្មណ៍ខ្លាំង ដោយសារ Nick បាននាំ Priyanka ទៅចូលរួមកម្មវិធីរៀបអាពាហ៍ពិពាហ៍របស់របស់បងប្អូនជីដូនមួយខ្លួន Rachel Tamburelli នៅរដ្ឋ New Jersey ថ្មីៗនេះ។ ប្រភពមួយក៏បានបញ្ជាក់ប្រាប់ថា អ្នកទាំងពីរមិនមែនរាប់អានគ្នាលេងសើចនោះឡើយ។
នេះដោយសារតែ Nick តែងតែរាប់អានមិត្តស្រីជាច្រើនរួប ប៉ុន្តែមិនដែលយកចិត្តទុកដាក់និងស៊ីជម្រៅរបៀបនេះទេ វាគឺជាជំហានដ៏ធំមួយ។
Chopra និង Jonas បានត្រូវគេថតរូបបានពេលមកដល់ទីក្រុង New York ជាមួយគ្នាកាលពីថ្ងៃសុក្រសប្ដាហ៍មុននេះ និងព្រមទាំងត្រូវគេប្រទះឃើញនៅជាមួយគ្នានៅទីក្រុង២ផ្សេងទៀតផងដែរ។ ទោះបីជាអ្នកទាំងពីរមិនទាន់ប្រកាសថាជាគូស្នេហ៍ផ្លូវការ ពួកគេតែងតែចុច Like រូបភាពគ្នាទៅវិញទៅមក ពោលគឺកំពុងតែមានចិត្តស្រលាញ់គ្នាខ្លាំង៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
