ដំឡើង APK លើ Android គ្រប់ក្បាច់នៅតែមិនដើរ សាកប៉ុន្មានវីធីនេះបន្ថែម

2018-06-29 01:48:22
ចំនួនមតិ 0 | ចំនួនចែករំលែក 0

ចន្លោះមិនឃើញ

Android ហាក់មានភាពពេញនិយមច្រើនប៉ុន្មានឆ្នាំចុងក្រោយនេះ ដោយសារការរចនាប្រព័ន្ធងាយស្រួល ហើយម៉ូដែលស្មាតហ្វូន Android ភាគច្រើន មានតម្លៃធូរថ្លៃជាង iPhone។

ហើយពេលដំឡើងកម្មវិធី ប្រហែលធ្លាប់ឃើញសារនេះ "There was a problem parsing the package"។

១) បើកដំណើរការ Unknown sources

ចូលទៅកាន់ Settings > Security > ស្វែងរកត្រង់ Unknown sources ហើយចុចប៊ូតុងបើកដំណើរការ។ រួចសាកដំឡើងកម្មវិធីម្ដងទៀត។

២) បើកប្រើ USB Debugging លើ Android

ចូលទៅកាន់ Settings អូសចុះក្រោម ហើយចុចលើ About Phone > ចុចលើ Build Number បី បួនដង។ អ្នកគួរតែឃើញសារបង្ហាញ You are now a developer លើអេក្រង់។

ចូលទៅកាន់ Settings ម្ដងទៀត អូសចុះក្រោម > ចុចលើ Developer Options។ ត្រង់ផ្នែក Debugging ចុចលើប៊ូតុងក្បែរ USB debugging ដើម្បីបើកដំណើរការ។

៣) បិទកម្មវិធីកម្ចាត់មេរោគលើ Android Device

បញ្ហាក៏អាចកើតឡើង ដោយសារកម្មវិធីសុវត្ថិភាព រារាំងការដំឡើងនេះ។ ដូច្នេះ ពេលអ្នកព្យាយាមដំឡើង File.apk អាចកម្មវិធីកម្ចាត់មេរោគរារាំង។

អាចបិទកម្មវិធី Antivirus ជាបណ្ដោះអាសន្ន រួចសាកដំឡើងម្ដងទៀត។

៤) ពិនិត្យមើល File ក្រែងខូច

នេះក៏អាចបណ្ដាលមកពី File apk ខូច មិនអាចដំណើរការពេញលេញលើ Android OS។ ករណីនេះ អាចសាកទាញយក File ថ្មីពី ទីតាំងណាមួយដូចជា Play Store ឬវេបសាយនានា រួចដំឡើងម្ដងទៀត។

៥) សម្អាត Cache Cookies ក្នុង Play Store

បញ្ហាក៏អាចដោយសារ Cache cookies ក្នុង Google Play Store។ បើកកម្មវិធី Google Play Store > ជ្រើសរើស Sidebar នៅផ្នែកលើខាងឆ្វេង ហើយជ្រើសរើស Settings > ស្វែងរកជម្រើស Clear local search history សម្រាប់សម្អាតប្រវត្តិស្រាវជ្រាវកម្មវិធីនានាពីមុន។

៦) កម្មវិធីមិនអាចប្រើបានជាមួយ OS ថ្មី

បើសាកល្បងវិធីអស់ក្បាច់ នៅតែមិនដើរ បញ្ហានេះអាចកើតមានក្នុងប្រព័ន្ធ Android តែម្ដង។ ដោយកម្មវិធីចង់ដំឡើង មិនអាចប្រើបានលើ OS ឬ Hardware របស់ Android device។ ដូច្នេះ គួរពិនិត្យមើលព័ត៌មានលម្អិតពីតម្រូវការប្រើប្រាស់កម្មវិធីមុន ឬក្រោយពេលទាញយក៕