ជើងខ្លាំងទើបមកពីបារាំង រឿង សោភ័ណ្ឌ ផាន់ គ្រាន់ នឹងឡើងសង្វៀនតែមួយថ្ងៃអាទិត្យនេះ

2018-07-04 09:30:58
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកលេងកណ្ដាប់ដៃ រឿង សោភ័ណ្ឌ និង ផាន់ គ្រាន់ នឹងត្រូវឡើងសង្វៀនតែមួយជាមួយគ្នា ដើម្បីតតាំងជាមួយកីឡាករឆ្លងដែនមកពីប្រទេសថៃ នាថ្ងៃអាទិត្យ ទី៨ ខែកក្កដា ឆ្នាំ២០១៨ នៅ CNC ម៉ោង១១ថ្ងៃត្រង់នេះ។

កីឡាករ ផាន់ គ្រាន់

ម្ចាស់ខ្សែក្រវាត់ ៣គ្រឿង ផាន់ គ្រាន់ ដែលទើបវិលត្រលប់មកពីប្រទេសបារាំងថ្មីៗនេះ ឥលូវចាប់ផ្ដើមឡើងសង្វៀនក្នុងស្រុកជាបណ្ដើរៗវិញហើយ ដោយត្រូវប្រកួតមិត្តភាពអន្តរជាតិប៉ះជើងខ្លាំងមកពីប្រទេសថៃ។ កីឡាករមកពីក្លឹបពុទ្ធសេរីវង្សរូបនេះ នឹងត្រូវប្រកួតជាមួយថៃ Chhat Chhai ទម្ងន់ ៦៣,៥គីឡូក្រាម។

កីឡាករ ផាន់ គ្រាន់

ចំណែកអ្នកលេងកណ្ដាប់ដៃអត់មេត្តា រឿង សោភ័ណ្ឌ ក៏ត្រូវប្រកួតមិត្តភាពអន្តរជាតិជាមួយថៃដូចគ្នា គឺតម្រូវឲ្យប៉ះជាមួយកីឡាករ Fay Pa លើប្រភេទទម្ងន់ ៦៩គីឡូក្រាម។ កូនសិស្សលោក ឈិន ក្វាន់ចៃ រូបនេះ មកដល់ប្រទេសកម្ពុជាមុនកីឡាករ ផាន់ គ្រាន់ ហើយអាចនិយាយបានថាហ្វឹកហាត់ក៏បានយូរជាងផងដែរ។

កីឡាករ រឿង សោភ័ណ្ឌ

រំលឹកដែរថា ការប្រកួតមិត្តភាពរបស់ រឿង សោភ័ណ្ឌ និង ផាន់ គ្រាន់ នាថ្ងៃអាទិត្យនេះ គឺប្រកួតដំបូងហើយរបស់ពួកគេ ក្រោយជាប់ប្រកួតនៅប្រទេសបារាំងមួយរយៈពេលធំកន្លងទៅនេះ៕

អត្ថបទ៖ នួន ស៊ីណា