លោក ប្រាក់ សុវណ្ណារ៉ា ទាយថា ក្រុមណាឡើងរវាង ប្រេស៊ីល និងបែលហ្ស៊ិក
- 2018-07-06 07:05:06
- ចំនួនមតិ 0 | ចំនួនចែករំលែក 0
លោក ប្រាក់ សុវណ្ណារ៉ា ទាយថា ក្រុមណាឡើងរវាង ប្រេស៊ីល និងបែលហ្ស៊ិក
ចន្លោះមិនឃើញ
លោក ប្រាក់ សុវណ្ណារ៉ា អតីតគ្រូបង្វឹកក្រុមជម្រើសជាតិកម្ពុជា ស្រលាញ់ក្រុម បែលហ្ស៊ិក ហើយក៏គិតថា ក្រុមនេះ នឹងអាចឡើងទៅកាន់វគ្គ ៤ ក្រុមចុងក្រោយសម្រាប់ការប្រកួត World Cup 2018 នៅរុស្ស៊ី យប់នេះម៉ោង ១ យប់រំលងអាធ្រាត្រ។
គ្រូបង្វឹករូបនេះពន្យល់ថា បែលហ្សិក និងប្រេស៊ីល គឺល្អដូចគ្នា គ្រាន់តែលោកហាក់ធ្ងន់ចិត្តមកលើ បែលហ្ស៊ិក ច្រើនជាង។ បែលហ្ស៊ិក ជាក្រុមលេងដោយស្លូតបូត និងរបៀបជាក្រុម ពិសេសពួកគេល្អគ្រប់តំបន់ពីលើដល់ក្រោម ព្រមទាំងពូកែវាយបកខ្លាំងនិងបានលឿននៅពេលប៉ះក្រុមខ្លាំង ដែលចូលចិត្តកៀបសង្កត់ដៃគូ ដូចជាប្រេស៊ីល។
លោកបន្ថែមថា ដើមឡើយលោកស្រលាញ់ពីរក្រុមនេះ ហើយគិតថា ពួកគេជាបេក្ខភាពលើកពាន World Cup ឆ្នាំនេះ។ និយាយពីប្រេស៊ីលវិញលោកមើលឃើញថា ជាក្រុមល្អខ្លាំងមែនទែន ប៉ុន្តែតំបន់ការពារអាចពិបាកទប់ទល់ជាមួយបែលហ្ស៊ិក។
រវាង ប្រេស៊ីល និងបែលហ្ស៊ិក អ្នកដែលឡើងទៅកាន់វគ្គ ៤ ក្រុមចុងក្រោយ នឹងប៉ះក្រុម បារាំង ឬ អ៊ុយរុយហ្គាយ ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
