AFF Futsal៖ ក្រុម កំចាយមា កម្ពុជាត្រូវតតាំងជាមួយ MIC របស់មីយ៉ាន់ម៉ា ម៉ោង១១កន្លះនេះ

2018-07-16 03:18:09
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមតំណាងកម្ពុជា សសយក កំចាយមា នឹងត្រូវប្រកួតជាមួយក្រុម MIC របស់មីយ៉ាន់ម៉ា នៅម៉ោង១១:៣០នាទីបន្តិចទៀតនេះ ក្នុងពានរង្វាន់ 2018 AFF Futsal Club Championship ។

រូបភាព៖ Futsal cambodia

នេះជាប្រកួតទី២របស់ក្រុមកម្ពុជាហើយ ដោយប្រកួតបើកឆាកកន្លងទៅ កំចាយមា បានបរាជ័យក្រោមថ្វីជើងរបស់ក្រុមខ្លាំងអូស្ត្រាលី East Coast Heat ក្នុងលទ្ធផល ៨-០។ កំចាយមា ជាក្រុមចំណូលថ្មីដែលបានឱកាសទៅលេងនៅពានរង្វាន់កម្រិតតំបន់អាស៊ានខាងលើនេះ។ លទ្ធផល ចាញ់ឈ្នះមិនមែនជារឿងដែលសំខាន់ខ្លាំងសម្រាប់ក្រុមកម្ពុជាថ្មីមួយនេះទេ ត្បិតអីពួកគេទើបបង្កើតឡើងនិងឈានជើងទៅលេងពានរង្វាន់ក្រៅស្រុកជាលើកដំបូង។

ប្រសិនបើកម្ពុជាបរាជ័យក្នុងការប្រកួតទី២នេះទៀត នោះឱកាសបានឡើងទៅវគ្គបន្ដអស់ត្រឹមនេះហើយ។ ក្រុម កំចាយមា ស្ថិតនៅពូល A ជាមួយ៣ក្រុមផ្សេងទៀត គឺ East Coast Heat អូស្ត្រាលី ក្រុម MIC របស់មីយ៉ាន់ម៉ា និងក្រុម Arbisyam របស់ប្រ៊ុយណេ។ ប្រកួតចុងក្រោយក្នុងពូលរបស់ក្រុមកម្ពុជា នឹងត្រូវប៉ះជាមួយ Arbisyamរបស់ប្រ៊ុយណេ ដែលប្រកួតបើកឆាកចាញ់ក្រុម MIC មីយ៉ាន់ម៉ា ក្នុងលទ្ធផល ៩-០៕

អត្ថបទ៖ មុន្នីរម្យ