ទោះជាខាងស្រីអាយុច្រើនជាង១១ឆ្នាំ គូស្នេហ៍ Nick Jonas និង Priyanka Chopra កំពុងតែផ្អែមល្ហែមខ្លាំង
- 2018-07-18 02:20:00
- ចំនួនមតិ 0 | ចំនួនចែករំលែក 0
ទោះជាខាងស្រីអាយុច្រើនជាង១១ឆ្នាំ គូស្នេហ៍ Nick Jonas និង Priyanka Chopra កំពុងតែផ្អែមល្ហែមខ្លាំង
ចន្លោះមិនឃើញ
កាលពីថ្ងៃទី ១៦ ខែកក្កដានេះម្ចាស់ពានបវរកញ្ញាពិភពលោកឆ្នាំ ២០០០ និងជាតារាបូលីវូដ/ហូលីវូដ Priyanka Chopra បានប្រារព្ធពិធីខួបកំណើតអាយុ៣៦ឆ្នាំ ជាមួយគូស្នេហ៍វ័យក្មេងជាងនាងដល់ទៅ ១១ឆ្នាំ គឺតារាចម្រៀង Nick Jonas។ នៅក្នុងកម្មវិធីជប់លៀងនោះ Priyanka បានស្លៀកពាក់ឈុតសម្លៀកបំពាក់សាមញ្ញជាមួយស្បែកជើងកែង ហើយត្រូវគេប្រទះឃើញកាន់ដៃមិត្តប្រុស Nick Jonas យ៉ាងស្និទ្ធស្នាល។
គូស្នេហ៍មួយគូនេះ បានចាប់ផ្ដើមទាក់ទងគ្នាអស់រយៈពេល២ខែ ក្រោយមកទើបចាប់ផ្ដើមណែនាំឲ្យសមាជិកគ្រួសាររៀងៗខ្លួនបានស្គាល់គ្នា និងដើរកម្សាន្តជុំវិញពិភពលោកជាមួយគ្នា មិនឈប់ឈរ។ ជាក់ស្ដែងនៅថ្ងៃខួបកំណើត Priyanka នេះពួកគេបានជួបគ្នា ជាមួយគូស្នេហ៍ប្អូនប្រុស Nick គឺតារាចម្រៀង Joe Jonas ជាមួយគូដណ្ដឹងតារាសម្ដែងក្នុងរឿងភាគ "Game of Throne” Sophie Turner ព្រមទាំងលោក Kevin Jonas ផងដែរ។
ក្នុងរយៈពេលប៉ុន្មានខែនេះ អ្នកទាំងពីរពិតជាជិតស្និទ្ធនឹងគ្នាខ្លាំង ដល់ថ្នាក់មានប្រភពជិតស្និទ្ធពួកគេជាច្រើនបានបញ្ជាក់ថា ទំនាក់ទំនងពួកគេពិតជាខុសប្លែកពីមុនៗ និងអាចមានអនាគតល្អវែងឆ្ងាយនៅពេលខាងមុខ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
