យុវជនកម្ពុជា៥នាក់កំពុងលេចធ្លោគួរឲ្យចាប់អារម្មណ៍

2018-07-19 03:27:06
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្របពេលដែលកីឡាករកម្ពុជាពេញវ័យមួយចំនួនហាក់ស្ងប់ស្ងាត់ពីការចាប់អារម្មណ៍របស់មហាជនជាអ្នកតាមកីឡាបាល់ទាត់ ក៏កីឡាករជាយុវជនមួយចំនួនកំពុងលេចធ្លោទាំងជម្រើសជាតិ លីគកំពូលកម្ពុជា និងពានរង្វាន់សម្តេចតេជោ ហ៊ុន សែន។ ថ្ងៃនេះ Sabay សូមលើកយកយុវជន៥នាក់កំពុងលេចធ្លោគួរឲ្យកត់សំគាល់។

១-យុវជន ឃាង ម៉េងហួ របស់ព្រះខ័នរាជស្វាយរៀង ខ្សែបម្រើប្រយុទ្ធរបស់របស់ជម្រើសជាតិកម្ពុជាក្រោមអាយុ១៩ឆ្នាំ ឃាង ម៉េងហួ ទើបត្រូវបានមហាជនចាប់អារម្មណ៍ក្នុងរយៈពេលដ៏ខ្លីនេះទេ បន្ទាប់ពីរូបគេស៊ុតបាន៤គ្រាប់ក្នុងនោះ៣គ្រាប់ពេលកម្ពុជាឈ្នះប៊្រុយណេ ៥-០ និង១គ្រាប់ទៀតពេលកម្ពុជាចាញ់ ទីម័រខាងកើត ២-១ នៃពានពាន AFF U-19 Championship 2018 នៅឥណ្ឌូណេស៊ី។

រឿងគួរឲ្យចាប់អារម្មណ៍មួយទៀត រូបគេត្រូវបានប្តូរចូលពាក់កណ្តាលវគ្គទី១នៃការប្រកួតវគ្គ១៦ក្រុមចុងក្រោយរវាងព្រះខ័នរាជស្វាយរៀង និងវិសាខាជើងទី២នៅស្តាតចាស់។ ពេលនោះរូបគេបានញាក់បាល់ដាច់ចង្កេះខ្សែការពារវិសាខាពីរបីនាក់បញ្ជូនបាល់ឲ្យ លី សារ័ត្ន ស៊ុតចូលតាមស្មើ ១-១ ដែលសរុបទាំងពីរជើង ស្វាយរៀងឈ្នះ ២-១ ឡើងវគ្គ៨ក្រុមចុងក្រោយពានសម្តេចតេជោ ហ៊ុន សែន។

២-យុវជន ម៉ាត់ ណូរ៉ុន របស់អគ្គិសនីកម្ពុជា

យុវជនខ្មែរឥស្លាម ម៉ាត់ ណូរ៉ុន ជាសំណព្វចិត្តរបស់គ្រូបង្វឹក ប្រាក់ វុទ្ធី ក្នុងការរកគ្រាប់បាល់ឲ្យក្រុម អគ្គិសនីកម្ពុជាទាំងក្នុងលីគកំពូលកម្ពុជា និងពានរង្វាន់សម្តេចតេជោ ហ៊ុន សែន។ រូបគេស៊ុតបាន២គ្រាប់ក្នុងការប្រកួតលីគកំពូលកម្ពុជាសប្តាហ៍ទី១៤ នៅពេលអគ្គិសនីកម្ពុជាចាញ់ព្រះខ័នរាជស្វាយរៀង ៤-២។

៣-យុវជន ណារ៉ុង កក្កដា របស់ក្រសួងការពារជាតិ

យុវជនរបស់ក្រសួងការពារជាតិរូបនេះត្រូវបានអ្នកគាំទ្របាល់ទាត់កម្ពុជាចាប់អារម្មណ៍ខ្លាំងនៅពេលដែលរូបគេស៊ុត២គ្រាប់ម្នាក់ឯងជួយឲ្យក្រុមជម្រើសជាតិកម្ពុជាក្រោមអាយុ២២ឆ្នាំឈ្នះក្រុមយុវជនមីយ៉ាន់ម៉ាដោយលទ្ធផល ២-១ នៃពានរង្វាន់ស្តេចប៊្រុយណេដែលជួយកម្ពុជាឡើងវគ្គផ្តាច់ព្រ័ត្រ។ កាលពីពេលថ្មីៗនេះ ក្នុងពានរង្វាន់ AFF U-19 Championship 2018 នៅឥណ្ឌូណេស៊ី ណារ៉ុង កក្កដា ក៏រកបាន២គ្រាប់ជួយកម្ពុជាឈ្នះប្រ៊ុយណេ ៥-០។ បន្ទាប់ត្រឡប់មកពីឥណ្ឌូណេស៊ី រូបគេក៏រួមចំណែកដ៏សំខាន់ជួយក្រសួងការពារជាតិឡើងវគ្គ៨ក្រុមចុងក្រោយនៃពាន Hun Sen Cup បន្ទាប់ពីស៊ុត១គ្រាប់ជួយការពារជាតិឈ្នះអាស៊ីអឺរ៉ុប ៧-១ ក្នុងជើងទី២។

៤-យុវជន ស៊ីន កក្កដា របស់ភ្នំពេញក្រោន

ស៊ីក កក្កដាបានក្លាយជាសមាជិកវ័យក្មេងដ៏សំខាន់សម្រាប់ភ្នំពេញក្រោនទាំងក្នុងលីគកំពូកកម្ពុជា និងពានរង្វាន់សម្តេចតេជោ ហ៊ុន សែន។ ប្រកួតជើងទី២ជាមួយអគ្គិសនីកម្ពុជាជាមួយអគ្គិសនីកម្ពុជារូបគេស៊ុតបាន២គ្រាប់ជួយភ្នំពេញក្រោនឡើងវគ្គ៨ក្រុមចុងក្រោយនៃពានរង្វាន់សម្តេចតេជោ ហ៊ុន សែន។ យ៉ាងណារូបគេមិនបានជួយជម្រើសជាតិអាយុក្រោម១៩ឆ្នាំពាន AFF U-19 Championship 2018 ទេដោយសារភ្នំពេញក្រោនត្រូវការរូបគេលេងលីគកម្ពុជាកាលពីប៉ុន្មានសប្តាហ៍កន្លងទៅនេះ។

៥- សាន គឹមហេង របស់វិសាខា

អតីតយុវជននៅសាលាបាល់ទាត់ជាតិបាទី សាន គឹមហេង ជាកីឡាករក្នុងស្រុកគួរឲ្យចាប់អារម្មណ៍ជាងគេក្នុងលីគកំពូលកម្ពុជាក្នុងការរកគ្រាប់បាល់។ រូបគេជាសមាជិកដ៏សំខាន់ជួយចំណូលថ្មីវិសាខាទទួលបានជ័យជម្នះជាបន្តបន្ទាប់នៃការប្រកួតក្នុងលីគ។ យុវជនរូបនេះក៏សមាជិកសំខាន់ម្នាក់នៃក្រុមជម្រើសជាតិកម្ពុជាអាយុក្រោម១៩ឆ្នាំចូលរួមប្រកួតពានរង្វាន់ AFF U-19 Championship 2018 នៅប្រទេសឥណ្ឌូណេស៊ី៕

អត្ថបទ៖ ជាន ចាន់រ៉ា

ពាក្យទាក់ទង

អត្ថបទសំខាន់ ក្រុមកីឡាបាល់ទាត់ជម្រើសជាតិ

អត្ថបទពេញនិយម

ចិន កំពុងសាងសង់ព្រលានយន្តហោះអន្តរជាតិ នៅលើកោះសិប្បនិម្មិត ធំជាងគេ នៅលើពិភពលោក

បុរសម្នាក់នេះ ជួយជ្រោមជ្រែង ខ្មែរជាច្រើនគ្រួសារ ឱ្យបានទៅរស់នៅអាមេរិក និងជួយបង្កើតមុខរបរឱ្យទៀត

លី តាវហួ បង្ហាញតិកនិចធ្វើឲ្យសម្រស់នៅតែសង្ហាដូចខ្ទង់ ៤០ ទោះសព្វថ្ងៃអាយុ ៦២ ក៏ដោយ

ល្បីថា តាវ មិញស៊ឺ កំពុងមានទំនាក់ទំនងពិសេសជាមួយតារាស្រីអាយុច្រើនជាង ២១ ឆ្នាំ?

តំបន់ទេសចរណ៍ ពេញនិយម ទាំង ១៥ កន្លែង សម្រាប់ដើរកម្សាន្តថ្ងៃបុណ្យ Christmas

តាមពិត នៅអាមេរិក មានទីក្រុងមួយ ឈ្មោះថា "ទីក្រុងខ្មែរ - Cambodia Town"

អត្ថបទថ្មី

Kep Music City «សូរសំឡេងនៃតន្ត្រីនៅទីក្រុងកែប»ប្រារព្ធខួបមួយខែនៃភាពជោគជ័យ៖ ការបង្កើតឆ្ពោះទៅថ្ងៃអនាគតជាទីក្រុងសិល្បៈ តន្ត្រីនិងការតភ្ជាប់សហគមន៍

AirAsia Cambodia បើកសម្ពោធជើងហោះហើរត្រង់ ពីទីក្រុងភ្នំពេញឆ្ពោះទៅកាន់ទីក្រុងហូជីមិញក្នុងតម្លៃសំបុត្រដ៏អស្ចារ្យ ចាប់ពី 74 USD តែប៉ុណ្ណោះ

៣នាក់ឪ-កូន លេងស្ដាយប្លែកៗ អមជាមួយបទកំពុងល្បី ត្រូវអ្នកគាំទ្រធ្លោយមាត់ថា “IDOL ព្រាប សុវត្ថិ ខ្ញុំមកវិញហើយ!”

តំបន់ទេសចរណ៍ ពេញនិយម ទាំង ១៥ កន្លែង សម្រាប់ដើរកម្សាន្តថ្ងៃបុណ្យ Christmas