អស់ទាស់! មកមើលទិដ្ឋភាពទូកប្រណិត Beyonce និង Jay-Z ជួលក្នុងតម្លៃជាង១លានដុល្លារ

2018-07-24 07:15:00
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកណាក៏ដឹងដែរថា កំពូលប្ដីប្រពន្ធមួយគូនេះរកចំណូលបានយ៉ាងច្រើនសន្ធឹកសន្ធាប់ក្នុងវិស័យសិល្បៈរបស់ពួកគេ ហើយកាលពីឆ្នាំមុននេះអ្នកទាំងពីររកបានដល់ទៅ ១៤៧លានដុល្លារឯណោះ នេះបើយោងទៅតាមទស្សនាវដ្ដី Forbes។

ដូច្នេះហើយទើប Beyonce និង Jay-Z មិនខ្លាចនឹងចំណាយទឹកប្រាក់សម្រាប់ដំណើរកម្សាន្តផ្សេងៗនោះទេ ជាក់ស្ដែងប្ដីប្រពន្ធដ៏មានឥទ្ធិពលនេះបានជួលទូកឯកជនមួយ ក្នុងតម្លៃឈ្នួលជាង ១,៤លានដុល្លារ ក្នុង១អាទិត្យ នៅប្រទេសអ៊ីតាលី ដោយត្រូវគេប្រទះឃើញកាលពីថ្ងៃអាទិត្យសប្ដាហ៍មុន។ ម្ចាស់បទ "Crazy In Love” ទាំងពីរត្រូវគេប្រទះឃើញ ជាមួយកូនភ្លោះ Rumi និង Sir Carter នៅលើទូកយ៉ាងសប្បាយរីករាយ។

គូសបញ្ជាក់ថា ទូកប្រណិតជាជាទូកប្រភេទ Kismet Yacht មានតម្លៃដល់ទៅ១៨០លានដុល្លារឯណោះ ដែលក្នុងនោះមានផ្ទុកនៅបន្ទប់ជាច្រើនបូករួមទាំង អាងហែលទឹក និងកន្លែងលេងកីឡាបាល់បោះទៀតផង។

ទស្សនាទិដ្ឋភាពទាំងស្រុងរបស់ទូកតម្លៃ ១៨០លានដុល្លារនេះ៖