Nam Joo Hyuk សើចលែងសមពេលអ្នកគាំទ្រម្នាក់ធ្វើរឿងនេះដាក់ (វីដេអូ)

2018-07-30 02:18:28
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃទី ២៩ ខែកក្កដាម្សិលមិញនេះ តារាសម្ដែងកូរ៉េ Nam Joo Hyuk បានធ្វើដំណើរទៅកាន់ប្រទេសហ្វីលីពីន ដើម្បីទៅចូលរួមសន្និសីទកាសែត Penshoppe ក្នុងទីក្រុងម៉ានីល ជាមួយ Sandara Park។

គ្រប់យ៉ាងក្នុងកម្មវិធីដំណើរការទៅយ៉ាងរលូន ប៉ុន្តែស្រាប់តែមានរឿងមួយកើតឡើងចំពោះ Nam Joo Hyuk កើតចេញពីក្រុមអ្នកគាំទ្រ ពេលមកឈរថតរូបជាមួយលោកនៅលើឆាក។ ដោយសារក្ដីស្រឡាញ់មានចំពោះ តារាប្រុសរូបនេះមានទំហំធំធេង ទើបអ្នកគាំទ្រនារីម្នាក់បានរត់សំដៅមករកលោកមុនគេ និងកៀកដៃ ថែមទាំងឱបចង្កេះរបស់ Joo Hyuk ភ្លាមៗ ព្រោះគិតថាជាឱកាសល្អ។ ប៉ុន្តែ បើតាមវីដេអូដែលបានបង្ហាញ តារាប្រុសរាងខ្ពស់រូបនេះ ហាក់ដូចជាមិនសូវស្រួលចិត្តប៉ុន្មានទេ ពេលនារីម្នាក់នោះចាប់ឱបលោកបែបនេះ។

ជាមួយគ្នានោះ អំឡុងពេលថតរូប លោកញញឹមមិនសូវជាសមប៉ុន្មានទេ គឺប្រៀបដូចជាប្រឹងៗពេលតម្រង់មុខទៅកាន់កាមេរ៉ា។ ទោះជាយ៉ាងណាក៏លោកនៅតែបង្ហាញក្ដីស្រឡាញ់ចំពោះអ្នកគាំទ្រទាំងអស់ ដែលស្រឡាញ់ពេញចិត្តលោកដែរ៕