ការលួចបន្លំតាមប្រព័ន្ធបច្ចេកវិទ្យា រំពឹងកើនដល់ ៦ ទ្រីលានដុល្លារអាមេរិកនៅឆ្នាំ ២០២១

2018-08-29 03:46:54
ចំនួនមតិ 0 | ចំនួនចែករំលែក 0

ចន្លោះមិនឃើញ

ឧក្រិដ្ឋកម្មនិងការលួចបន្លំតាមប្រព័ន្ធបច្ចេកវិទ្យា ត្រូវបានរំពឹងថានឹងកើនឡើងខ្លាំងនៅប៉ុន្មានឆ្នាំខាងមុខនេះ។

លោក Peter Marini ប្រធានផ្នែកលក់ប្រចាំតំបន់អាស៊ីប៉ាស៊ីហ្វិករបស់ក្រុមហ៊ុន NetGuardians បានឲ្យដឹងថា ការលួចបន្លំតាមប្រព័ន្ធបច្ចេកវិទ្យា (Cyber Fraud) រំពឹងនឹងកើនឡើងដល់ ៦ ទ្រីលានដុល្លារអាមេរិកនៅក្នុងឆ្នាំ ២០២១។

លោក Peter Marini

ថ្លែងក្នុងសិក្ខាសាលាមួយដែលមានការចូលរួមច្រើនពីអ្នកជំនាញមកពីស្ថាប័នហិរញ្ញវត្ថុកាលពីម្សិលមិញនេះ ប្រធានផ្នែកលក់ប្រចាំតំបន់របស់ក្រុមហ៊ុនបច្ចេកវិទ្យាមានទីតាំងនៅស្វីស បានលើកចំៗពីករណីដែលធនាគារមួយនៅប្រទេសបង់ក្លាដេសត្រូវបាន Hacker លួចយកលុយជាង ១០០ លានដុល្លារដែលមិនទល់ពេលនេះមិនទាន់អាចរកដានឃើញ។

លោកបានព្រមានចំពោះមុខអ្នកចូលរួមជាច្រើនថា ការលួចតាមប្រព័ន្ធបច្ចេកវិទ្យាកំពុងមាននិន្នាការកើងឡើងដែលជាក្តីព្រួយបារម្ភ ហើយគ្រឹះស្ថានហិរញ្ញវត្ថុជាមុខសញ្ញាងាយរងគ្រោះជាងគេ។

នាយកជាន់ខ្ពស់នេះបានបង្ហាញពីដំណោះស្រាយរបស់ក្រុមហ៊ុន NetGuardians ដើម្បីប្រយុទ្ធប្រឆាំងឧក្រិដ្ឋកម្មផ្នែកហិរញ្ញវត្ថុ។ NetGuardians មាន Risk Platform ដែលបំពាក់នូវបច្ចេកវិទ្យាដូចជា machine learning, big data និង artificial intelligence ដើម្បីការពារការក្លែងបន្លំ ដែលរាប់បញ្ចូលទាំងការប្រើប្រាស់ ប្រព័ន្ធធនាគារចល័ត និងអេឡិចត្រូនិច, ការបន្លំក្នុងស្ថាប័ន, ការបន្លំលើការទូទាត់ និងការលួចតាមរយៈ SWIFT។

លោកបានលើកឡើងថា តាំងពីឆ្នាំ ២០០៦ ក្រុមហ៊ុនបានធ្វើការជាមួយធនាគារក្នុងស្រុកដ៏ធំមួយ ដោយប្រើប្រាស់កម្មវិធី Risk Platform ដើម្បីកាត់បន្ថយហានិភ័យនៃការលួចបន្លំតាមប្រព័ន្ធឌីជីថល។

លោក តាំង បូរ៉ាត់ នាយកប្រតិបត្តិក្រុមហ៊ុន First Cambodia បានលើកឡើងថា First Cambodia កំពុងតែបន្តពង្រឹងទីផ្សារក្នុងប្រទេសកម្ពុជា ក្នុងការជួយស្ថាប័នធនាគារក្នុងស្រុក ក្នុងការប្រយុទ្ធប្រឆាំងនឹងការបន្លំជាមួយដំណោះស្រាយដ៏មានប្រសិទ្ធិភាព។

បង្កើតឡើងនៅឆ្នាំ២០០២ ហើយត្រូវបានទទួលស្គាល់ជាក្រុមហ៊ុន System Integration ក្រុមហ៊ុនបានធ្វើការជាមួយស្ថាប័នធនាគារ ស្ថាប័នមីក្រូហិរញ្ញវត្ថុ តាមរយៈការផ្គត់ផ្គង់ end-to-end solutions, ការគាំពារគម្រោង និងការអនុវត្តប្រព័ន្ធសុវត្ថិភាពលើការទូរទាត់លុយ (secure payment system environment)៕

ចុចអានព័ត៌មានដទៃទៀត៖

អត្ថបទ៖ ប៊ុណ្ណារ៉ា