នាយ កុយ ប្រកាសរក ឃ្មឹប ទាំងតក់ក្រហល់ ក្រោយមានដំណឹងល្អលើការងារសម្ដែងឡើងវិញ!

2018-09-10 12:28:45
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក ជួង ជី ហៅនាយ កុយ បានប្រកាសរកសមាជិកក្រុម នាង ឃ្មឹប ដើម្បីហៅមកសម្ដែងវិញ ក្រោយពីទទួលដំណឹងល្អពាក់ព័ន្ធនឹងការសម្ដែងរបស់ខ្លួននៅទូរទស្សន៍ស៊ីអីអិនឡើងវិញ។

នៅក្នុងវីដេអូ Live របស់ខ្លួន លោក ជួង ជី បានឲ្យដឹងថា លោកបានដាច់ទំនាក់ទំនងជាមួយកូនក្រុមរបស់លោកយូរមកហើយ។ ដូច្នេះហើយ ក្រោយពីការងារជិតមកដល់ ទើបលោកប្រកាសរក។ លោកថា "ទំនាក់ទំនងទៅមិនបាន ដូច្នេះបើនាង ឃ្មឹប បានឃើញវីដេអូនេះ សូមទាក់ទងមកផង ហើយចូលមកសម្តែងកំប្លែងវិញផង!”។

ក្រុមកំប្លែងនាយ កុយ ត្រូវបានផ្អាកពីការសម្ដែងនៅលើកញ្ចក់ទូរទស្សន៍ CTN អស់រយៈពេលប្រមាណជាង១ឆ្នាំមកហើយ ដោយបានធ្វើក្រុមសម្ដែងបានបាក់បែកគ្នាដោយអន្លើ។ ប៉ុន្តែទើបតែថ្មីៗនេះ លោកបានបញ្ជាក់ថា ក្រុមរបស់លោក ត្រូវបានកោះហៅទៅសម្ដែងក្នុងកម្មវិធី "មន្តស្នេហ៍សំនៀង" ដូចកាលពីមុនជាថ្មី។

ដំណឹងនេះ លោករីករាយ ទើបត្រៀមប្រមែប្រមូលក្រុម ចូលសម្ដែងជាថ្មីដែរ។ ចំពោះការកោះហៅ សមាជិកក្រុម នាង ឃ្មឹប លោកបញ្ជាក់ថា ចង់ឲ្យតារាកំប្លែងរូបនេះ បានប្រាក់ចំណូលបន្ថែម យ៉ាងណា។ តាមការបញ្ជាក់របស់មេក្រុមកំប្លែងរូបនេះ ក្រុមរបស់លោក នាងមានមុខសម្ដែងជាថ្មីនៅថ្ងៃសៅរ៍សប្ដាហ៍នេះហើយ៕

អត្ថបទ៖ ទារិកា