ចូលរួមត្រេកអរ នាយក្រិន បានកូន១ទៀតហើយ

2018-09-12 01:42:31
ចំនួនមតិ 0 | ចំនួនចែករំលែក 0

ចន្លោះមិនឃើញ

យប់មិញនេះ ប្រពន្ធនាយក្រិន បានសម្រាលកូន១ទៀតហើយ នេះបើតាមការឲ្យដឹងពីអ្នកនាងប្រិមប្រិយ ដែលជាសមាជិកក្នុងក្រុមកំប្លែងរបស់នាយ ប្រាប់ Sabay ។

តាមការបញ្ជាក់ពី ប្រិមប្រិយ កូនរបស់ នាយក្រិន គឺជាកូនស្រី ដោយសម្រាលនៅមន្ទីរពេទ្យឯកជនមួយក្នុងរាជធានីភ្នំពេញកាលពីម៉ោង៨យប់មិញនេះ ។ នាងថ្លែងថា គ្រាន់តែកើតភ្លាមកូនស្រីរូបនេះ ត្រូវបាននាយក្រិន ជ្រើសរើសឈ្មោះឲ្យរួចជាស្រេច គឺឈ្មោះ សុគន្ធ បញ្ញា ។

នាយក្រិន កូនស្រី និងអ្នកនាងប្រិមប្រិយ

បើបូកទាំងកូនទើបនឹងកើតនេះ តារាកំប្លែងនាយក្រិន មានកូនរហូតដល់ទៅ ៤នាក់ឯណោះ ប្រុស២ស្រី២ ក្នុងនោះកូនប្រពន្ធដើម ១នាក់គឺប្រុស បច្ចុប្បន្នកំពុងរស់នៅជាមួយប្រពន្ធដើមនៅឯនៅឯខេត្តព្រះសីហនុ។

នាយក្រិន បានរៀបការជាមួយភរិយាទី២ របស់ខ្លួនបានជាង៥ឆ្នាំមកហើយ បន្ទាប់ពីចែកផ្លូវពីភរិយាដើម។ មុនប្រពន្ធតារាកំប្លែងរូបនេះសម្រាលកូន ក៏ធ្លាប់ធ្លាយពីការពពោះកូនទី៤នេះផងដែរ ប៉ុន្តែដំណឹងនេះ នាយក្រិនធ្លាប់បានច្រានចោលវិញ ដោយនាយលើកឡើងថា ដំណឹងពពោះនោះគ្រាន់តែជាការបង្ហោះលេងលើបណ្ដាញសង្គមប៉ុណ្ណោះ។ បែបនេះក្ដី ដំណឹងនេះមិនអាចលាក់ជិតឡើយ គឺត្រូវបានធ្លាយនៅថ្ងៃនេះសម្រាលនេះដែលធ្វើឲ្យនាយ មិនអាចប្រកែកបានតែម្ដង៕