ឡៅ ស៊ីណាត សង្ឃឹម ៧០% លើ ចិត្រា ឡើងដល់វគ្គខ្វែង

2018-09-17 02:49:14
ចំនួនមតិ 0 | ចំនួនចែករំលែក 0

ចន្លោះមិនឃើញ

ឡៅ ចិត្រា ពិតជាធ្វើបានល្អណាស់ ខណៈអ្នកគាំទ្រពេញចិត្តទម្រង់វ៉ៃ និងការប្រកួតតែងតែធ្វើអស់ពីចិត្តរបស់កីឡាកររូបនេះជាខ្លាំង។ សំឡេងហោកញ្ឆៀវស្ទើរមិនដាច់ សម្រាប់ការប្រកួតមួយនេះតាំងពីដើមទឹករហូតដល់ទឹកទី៥។

ឡៅ ស៊ីណាត បានឲ្យដឹងថា សម្រាប់ការប្រកួតយប់មិញនេះ លោកពិតជាពេញខ្លាំងតែម្ដង ខណៈអ្នកគាំទ្រសរសើរ និងហើបគូថពីកៅអី ស្រែកហោទៅតាមចង្វាក់ដែល ចិត្រា ព្យាយាមដើរចូលដើម្បីវ៉ៃយកពីកីឡាករថៃ។

បងប្រុសបង្កើតរបស់ ចិត្រា រូបនេះបន្ថែមថា ប្រកួតនេះប្អូនប្រុសរបស់លោក ធ្វើបានល្អណាស់មិនថាស្នៀតប្រយុទ្ធ ឬកម្លាំងនោះឡើយ។ ការចេញស្នៀតមួយៗធ្ងន់ល្អ ចំណែកកម្លាំងក៏ពេញ និយាយជារួមគ្រប់គ្រងការប្រកួតបានល្អតែម្ដង។ លោកសង្ឃឹមដល់ទៅ ៧០% ថាប្អូនប្រុសរបស់ខ្លួនអាចឈានដល់វគ្គខ្វែងនៃកម្មវិធីខ្សែក្រវាត់នេះ។

ឡៅ ចិត្រា ឈ្នះយប់មិញ

រំលឹកដែរថា កីឡាករ ឡៅ ចិត្រា យប់មិញចាប់ផ្ដើមប្រកួតដំបូងរបស់ខ្លួនហើយ វគ្គសន្សំពិន្ទុក្នុងពូលនៃកម្មវិធីដណ្ដើមខ្សែក្រវាត់ខារាប៉ាវទម្ងន់៦០គីឡូក្រាមរបស់សង្វៀនបាយ័ន។ បើកឆាកប្រកួតដំបូងរបស់ ចិត្រា ឈ្នះពិន្ទុកីឡាករថៃ Yodpayak Kor ខណៈគូខ្សែក្រវាត់មួយទៀតនោះ ព្រឿង សុជាតិ ចាញ់ពិន្ទុ Khumpichit ៕

វីដេអូប្រកួត៖