មហាសេដ្ឋី Jack Ma ប្រកាសក្ដែងៗថា នឹងធ្វើរឿងមួយល្អជាង Bill Gates

2018-09-23 07:16:00
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Bill Gates មាន Bill & Melida Gates Foundation ចំណែកលោក Jack Ma ក៏មាន Jack Ma foundation ផ្ដោតលើការអប់រំដូចគ្នា ប៉ុន្តែមហាសេដ្ឋីចិន អះអាងថា លោកនឹងធ្វើរឿងមួយល្អជាង មហាសេដ្ឋីអាមេរិក។

លោក Jack Ma ថា៖ “ខ្ញុំអាចនឹងមិនក្លាយជាអ្នកមានទេ(មានបំផុត) ប៉ុន្តែរឿងមួយខ្ញុំអាចធ្វើបានល្អជាង (Bill Gates) គឺចូលនិវត្តឱ្យបានលឿន"។

ជាក់ស្ដែងកាលពីថ្ងៃទី ១០ កញ្ញា កំពូលមហាសេដ្ឋីចិន Jack Ma បានប្រកាសចូលនិវត្តពីក្រុមហ៊ុន Alibaba និងប្រគល់ តំណែងនាយកប្រតិបត្តិ ឱ្យទៅលោក Daniel Zhang ជាផ្លូវការនៅឆ្នាំក្រោយ។ ក្នុងបទសម្ភាសន៍ជាមួយទូរទស្សន៍ Bloomberg TV លោក Jack Ma បាននិយាយថា លោកអាចនឹងទៅ បង្រៀនវិញនៅថ្ងៃណាមួយ ឬក្នុងពេលឆាប់ៗខាងមុខ។

តាមការចុះផ្សាយរបស់គេហទំព័រ Cnbc នៅថ្ងៃដដែលនោះលោក Ma បានប្រាប់ថា៖ "ខ្ញុំគិតថាការអប់រំសំខាន់ណាស់សម្រាប់អនាគត។ ខ្ញុំរៀនបានច្រើនពី Alibaba ក្នុងរយៈពេល ១៩ឆ្នាំមកនេះ។ វាជាទំនួលខុសត្រូវរបស់ខ្ញុំ ដើម្បីចែករំលែក"។

មហាសេដ្ឋី ដែលធ្លាប់ត្រូវបានគេបដិសេធការងារ ៣០ លើក បានបញ្ជាក់ថា លោកនឹកការបង្រៀនខ្លាំងណាស់ ចំណែកវិស័យជំនួញនេះ លោកមកធ្វើវិស័យដោយចៃដន្យប៉ុណ្ណោះ។

“ខ្ញុំនឹងទៅបង្រៀនវិញ នេះជាអ្វីខ្ញុំគិតថា ខ្ញុំធ្វើបានល្អជាងក្នុងនាមជានាយកប្រតិបត្តិ Alibaba”។

មហាសេដ្ឋី ៤០ ពាន់លានដុល្លារជនជាតិចិនរូបនេះ ក៏បានបង្កើតមូលនិធិមួយដែរឈ្មោះថា Jack Ma foundation ក្នុងឆ្នាំ ២០១៤ ក្រោយធ្វើឱ្យចូលចិត្តដោយ លោក Bill Gates។ លោក Ma បានចាកចេញពីការកាន់កាប់ក្រុមហ៊ុន និងលះបង់ទ្រព្យសម្បត្តិរបស់ខ្លួន បង្កើតមូលនិធិមួយនេះឡើង ក្នុងគោលបំណង បង្កើនការអភិវឌ្ឍន៍ក្នុងប្រព័ន្ធអប់រំនៅតាមជនបទប្រទេសចិន។

គួរបញ្ជាក់ថា មុនក្លាយជាមេ Alibaba លោក Jack Ma ជាអតីតសាស្ត្រាចារ្យ ផ្នែកពាណិជ្ជកម្មអន្តរជាតិ និងជាគ្រូបង្រៀនភាសាអង់គ្លេសមួយរូប៕