ច្បាស់ការហើយក្មួយប្រុស ព្រាប សុវត្ថិ កំណត់ថ្ងៃត្រៀមចូលរោងការជាមួយ សាត រស្មី

2018-09-24 02:12:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយពីភ្ជាប់ពាក្យជាមួយអតីតតារាសម្ដែង សាត រស្មី ប៉ុន្មានខែកន្លងទៅឥឡូវកំលោះសង្ហា ឆៃដា ពិសិដ្ឋ ត្រូវជាក្មួយប្រុសបង្កើតលោក ព្រាប សុវត្ថិ បានកំណត់ថ្ងៃត្រៀមចូលរោងការហើយ។

ឆៃដា ពិសិដ្ឋ ថា៖" បាទបងក្រោយពីភ្ជាប់ពាក្យរួចពួកយើងទាំងពីរបានគិតគូគ្នារួចរាល់ហើយថា នឹងចូលរោងការនៅ២ឆ្នាំទៀត ប្រហែលចុងឆ្នាំ ២០២០ ឬ ដើមឆ្នាំ ២០២១ អត់ទាន់ប្រាកដចាំមើលដល់ពេលហ្នឹងសិនបង"។

មូលហេតុដែលពន្យារពេលរៀបការដល់ទៅ២ឆ្នាំដោយសារតែ ម្នាក់ៗជាប់រវល់ការងាររកស៊ីរៀងៗខ្លួន ហើយមួយវិញទៀតអំឡុងពេលនេះលោក នៅក្មេងរង់ចាំបន្តិចទៀតក៏មិនយឺតពេលដែរ។ នៅថ្ងៃជយមង្គលខាងមុខកំលោះសង្ហា ឆៃដា ពិសិដ្ឋ ត្រៀមនឹងអញ្ជើញភ្ញៀវសិល្បៈមួយចំនួនចូលរួមផងដែរ។

អតីតតារាសម្ដែង សាត រស្មី និងក្មួយប្រុស ព្រាប សុវត្ថិ បានស្គាល់គ្នាជិត ៣ ឆ្នាំមកហើយ តែបើនិយាយរឿងស្រឡាញ់គ្នាវិញបាន១ ឆ្នាំ។ ដោយពន្លកស្នេហ៍មួយនេះបានដុះលូតលាស់ឡើងនៅចុងឆ្នាំ ២០១៧ តាមរយៈហ្វេសប៊ុក៕