ឡូយម្ល៉េះ! ស្ដេចសៀកជើងឯក AGT ជាប់ជាបេក្ខភាពប្រុសស្អាតទូទាំងពិភពលោកទៀត

2018-09-24 06:55:14
ចំនួនមតិ 0 | ចំនួនចែករំលែក 0

ចន្លោះមិនឃើញ

កំពូលអ្នកលេងសៀក ម្ចាស់តំណែងកំពូលប្រចាំឆ្នាំ ២០១៨ របស់ America's Got Talent លោក Shin Lim ពិតជាត្រូវប៉ាន់មិនធម្មតា ក្រោយទទួលជ័យជម្នះពីកម្មវិធីកាលពីសប្ដាហ៍មុន ដោយលោកមានឱកាសបានចូលរួមកម្មវិធីជាច្រើន ហើយពេលនេះថែមទាំងបានជាប់ឈ្មោះលើតារាងបុរសមុខស្អាត ទាំង ១០០នាក់ជុំវិញពិភពលោកទៀត។

កាលពីថ្ងៃទី ២០ ខែកញ្ញា គណនី Twitter របស់ TC Candler បានបង្ហោះរូបប្រុសស្អាតចំនួន ៣នាក់ទៀត ដែលត្រូវបានជ្រើសជាបេក្ខភាព បុរសមុខសង្ហាប្រចាំពិភពលោកគឺ Tom Hiddleston (តំណាងចក្រភពអង់គ្លេស) Giulio Berruti (តំណាងអ៊ីតាលី) និង Shin Lim (តំណាងកាណាដា អាមេរិក និងសិង្ហបុរី)។

បញ្ជាក់ដែរថា Shin Lim គឺជាបេក្ខជនជយលាភីកម្មវិធី America' Got Talent ឆ្នាំ ២០១៨ រដូវកាលទី ១៣ ដែលទទួលជោគជ័យ ក្រោយបង្ហាញសមត្ថភាពសម្ដែងសៀក ដោយប្រើសន្លឹកបៀរ និងបញ្ចេញស្នៀតថ្ពិនភ្នែករហ័សដូចផ្លេកបន្ទោរ អមជាមួយទឹកមុខស៊ីអារម្មណ៍។ រាល់ទស្សនីយភាពសម្ដែងសៀករបស់លោក ទទួលបានការគាំទ្រយ៉ាងច្រើនពីទស្សនិកជន និងតែងពញ្ញាក់អារម្មណ៍គ្រប់គ្នាគ្រប់ពេល៕