Chris Evans បង្ហោះសារមួយ ហាក់បង្ហាញតម្រុយពីអនាគតរឿង "Avengers 4”

2018-10-05 04:36:01
ចំនួនមតិ 0 | ចំនួនចែករំលែក 0

ចន្លោះមិនឃើញ

អស់រយៈកាលប៉ុន្មានខែមកហើយ ក្រោយការចាក់បញ្ចាំងរឿងAvengers: Infinity War ត្រូវបានបញ្ចប់ ប៉ុន្តែសាច់រឿងបន្ទាប់ពីរឿង Avengers: Infinity War នៅតែជាចម្ងល់សម្រាប់ទស្សនិកជនជាច្រើន ថាចុងបញ្ចប់តួអង្គនីមួយៗនឹងទៅជាយ៉ាងណា។

ការបញ្ចប់នៃសាច់រឿងដែលរក្សានៅអាថ៌កំបាំង បង្កជាចម្ងល់ជាច្រើនសម្រាប់អ្នកទស្សនានោះ បានធ្វើឲ្យគ្រប់គ្នាផ្ដោតសំខាន់ទៅលើជោគវាសនារស់តួអង្គសំខាន់ ២ នៅក្នុងរឿង ក្នុងនោះមានតួអង្គ Captain America និងតួអង្គ Iron Man។ ទស្សនៈមួយរបស់អ្នកគាំទ្រ បានគិតថា តួអង្គម្នាក់ក្នុងចំណោមតួអង្គសំខាន់ទាំង២ខាងលើ អាចនឹងត្រូវបាត់បង់ជីវិត ដោយសារតែព្យាយាមបញ្ឈប់តួអង្គ Thanos។

ជាក់ស្ដែង កាលពីពេលថ្មីៗនេះ អ្វីៗហាក់ដូចបង្ហាញឲ្យដឹងកាន់តែច្បាស់ ខណៈតារាសម្ដែង Chris Evans ដែលគ្រងតំណែងជាតួអង្គ Captain America នោះ បានបង្ហោះសារមួយលើគណនី Twitter របស់លោក ដោយហាក់ដូចជាបង្ហាញពីតម្រុយចុងបញ្ចប់នៃរឿង "Avengers 4”។

ក្នុងសារនោះដែរ តារាសម្ដែងរូបនេះបានសរសេរថា៖ "ទីបំផុត Avengers 4 ត្រូវបានថតរួចរាល់។ យ៉ាងហោចណាស់ វាគឺជាថ្ងៃដ៏រំជួលចិត្តមួយ។ ដើរតួជាតួអង្គមួយនេះ អស់រយៈពេល ៨ ឆ្នាំមកនេះ ពិតជាមានមោទនភាពណាស់។ សម្រាប់គ្រប់គ្នាដែលនៅពីមុខកាមេរ៉ា ក្រោយកាមេរ៉ា និងសម្រាប់ទស្សនិកជនទាំងអស់ ខ្ញុំសូមអរគុណចំពោះការចងចាំទាំងប៉ុន្មាន។ អរគុណជារៀងរហូត"។