ស្រីស្អាត នៅ សូនីតា បង្ហាញរូបរាង តែលាក់មុខគូស្នេហ៍

2018-10-14 04:06:09
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្តែង នៅ សូនីតា ដែលល្បីមានងារជាជំទាវយូរហើយនោះ ពេលនេះបង្ហាញរូបរាងគូស្នេហ៍ខ្លះៗហើយ។ នៅលើបណ្តាញសង្គម ស្រីស្អាតរូបនេះបានបញ្ចេញរូបភាពកៀកកើយជាមួយគូស្នេហ៍យ៉ាងផ្អែមល្ហែម ដោយមានរូបខ្លះបង្ហាញតែខ្នង ឯខ្លះទៀតបិទមុខខាងបុរស ពោលគឺពុំទាន់បង្ហាញមុខច្បាស់ឲ្យមហាជនបានឃើញនៅឡើយទេ។

ទោះបីជាស្រីស្អាត នៅ សូនីតា ហាក់នៅស្ទាក់ស្ទើរក្នុងការបង្ហាញមុខមាត់ពិតប្រាកដរបស់គូស្នេហ៍ក្តី ប៉ុន្តែក្រោយពីបានឃើញភិនភាគខ្លះៗរបស់បុរសដែលជាគូស្នេហ៍នោះ អ្នកគាំទ្រដាក់ការសង្ស័យថា បុរសម្នាក់នោះជាមនុស្សមានតួនាទីខ្ពស់ និងឥទ្ធិពលក្នុងរង្វង់សិល្បៈ។

កន្លងមកតារាសម្តែងស្រគត់ស្រគំ នៅ សូនីតា ធ្លាប់បានប្រាប់ថា ក្នុងចង្កោមអ្នកសិល្បៈមិនតិចនោះទេ តែងតែហៅ កញ្ញាថា ជំទាវពេញៗមាត់ ប៉ុន្តែមិនមែនជំទាវដែលមានព្រះរាជក្រឹត្យតែងតាំងអីឡើយ គឺជាការដាក់ងារ ឬនិយាយលេងពីមិត្តភ័ក្ដិប៉ុណ្ណោះ។ កញ្ញា ថា មិនហ៊ានប្រាថ្នាតំណែងមួយនេះឡើយ ចង់ធ្វើតែមនុស្សធម្មតាៗ ប៉ុន្តែបើថ្ងៃអនាគតមានស្វាមីមានឋានៈខ្ពស់ ហើយត្រូវឡើងជំទាវដោយស្វ័យប្រវត្តិនោះ អ្នកនាងក៏មិនហ៊ានប្រកែកដែរ។