ស្ងាត់ៗ ពេលនេះ The Weeknd ចាប់ផ្ដើមប្រឡូកក្នុងវិស័យសម្ដែងហើយ!

2018-10-18 08:10:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីកំពូលតារាចម្រៀងល្បីឈ្មោះ Lady Gaga បង្ហាញខ្លួននៅលើកញ្ចក់កុនភាពយន្តខ្នាតធំ ពេលនេះតារាចម្រៀង The Weeknd ក៏ចាប់ផ្ដើមបង្ហាញខ្លួនក្នុងវិស័យសម្ដែងជាផ្លូវការហើយ។ បើតាមប្រភពប្រាប់សារព័ត៌មាន PageSix បានឲ្យដឹងថាតារាចម្រៀងប៉ុប Abel Tesfaye ឬ The Weeknd បានបង្ហាញខ្លួនសម្ដែងនៅក្នុងភាពយន្តថ្មីស្នាដៃរបស់តារាកំប្លែង Adam Sandler ចំណងជើងថា "Uncut Gems” ដែលមានការចូលរួមសម្ដែងពីតារាសម្ដែងល្បីៗដូចជា Indina Menzel និង Lakeith Stanfield។

The Weeknd

ប្រភពនោះបានបញ្ជាក់ថា ពួកគេបានឃើញ The Weeknd បានថតជាមួយតារាសម្ដែង Adam Sandler និងតារារ៉េប Trinidad James នៅម្ដុំ 1Oak ទីក្រុង New York សហរដ្ឋអាមេរិក។ តារាទាំងនោះនោះបានចំណាយពេល២ទៅ៣ថ្ងៃ ដោយបានថតឈុតឆាកនៅក្នុងក្លឹប។

តារាសម្ដែង Adam Sandler

ចំពោះដំណើរសាច់រឿងភាពយន្ត ពេលនេះគឺមិនទាន់ដឹងច្បាស់នៅឡើយ ប៉ុន្តែអាចជាភាពយន្តបែបកំប្លែង និងបាញ់ប្រហារដោយសារ Adam Sandler តែងតែសម្ដែងនៅក្នុងភាពយន្តបែបកំប្លែង៕

ប្រភព៖ pagesix ប្រែសម្រួល៖ ធារ៉ូ