ការពិតនៅពីក្រោយតារាចម្រៀង ឈឿន ឧត្តម បាត់មុខពីសិល្បៈ
- 2018-10-25 07:09:14
- ចំនួនមតិ 0 | ចំនួនចែករំលែក 0
ការពិតនៅពីក្រោយតារាចម្រៀង ឈឿន ឧត្តម បាត់មុខពីសិល្បៈ
ចន្លោះមិនឃើញ
ប៉ុន្មានឆ្នាំមកនេះ ម្ចាស់បទ "រនោចខែប្រាំង" លោក ឈឿន ឧត្តម ហាក់ស្ងប់ស្ងាត់ក្នុងវិថីសិល្បៈ និងជីវិតឯកជន ធ្វើឲ្យអ្នកគាំទ្រលោកមានការងឿងឆ្ងល់ជាខ្លាំង តើលោកបាត់ទៅណា? តាមពិតតារាចម្រៀងដ៏ល្បីល្បាញផ្នែកចម្រៀងមនោសញ្ចេតនារូបនោះកំពុងតែរស់នៅក្នុងស្រុកខ្មែរ បន្តអាជីពជាអ្នកចម្រៀងដដែល នេះបើតាមការឲ្យពីអ្នកនាង ស៊ិន ឧត្តមផល្លា តាមរយៈផេក Movie Star Research។
ការបាត់មុខពីក្នុងពិភពសិល្បៈអស់រយៈពេលជាច្រើនឆ្នាំមកនេះ លោក ឈឿន ឧត្តម ថា ដោយសារតែមានតារាចម្រៀងស្រករក្រោយច្រើន ទើបមិនសូវមានការអញ្ជើញលោកឲ្យឡើងតាមស្ថានីយទូរទស្សន៍ ស្របពេលដែលលោកមានបញ្ហាច្រមុះ និងបំពង់កទៀតនោះ ទើបការងារសិល្បៈស្ងាប់ស្ងាត់។
បច្ចុប្បន្នតារាចម្រៀងវ័យ៤៣រូបនេះ បានជាសះស្បើយពីជំងឺ ហើយបន្តអាជីពជាតារាចម្រៀងប្រចាំភោជនីយដ្ឋាន ពិភពរាត្រី។
លោក ឈឿន ឧត្ដម ចូលប្រឡូកក្នុងសិល្បៈនាឆ្នាំ ១៩៩៨ តាមរយៈការប្រឡងចម្រៀងក្នុងកម្មវិធី គន្លងតារា របស់ស្ថានីយទូរទស្សន៍ប៉ុស្ថិ៍លេខ៥ ដោយលោកទទួលបានជយលាភីលេខ ២ ក្រោយមក លោកមានកេរ្តិ៍ឈ្មោះបោះសំឡេងនៅក្នុងផលិតកម្ម រស្មីស្ទឹងសង្កែ តាមរយៈបទមនោសញ្ចេតនាល្បីៗជាច្រើនបទ៕
រូបភាព និងប្រភពៈ Movie Star Research