សំខាន់! ត្រួសៗ ៣យ៉ាង បញ្ជាក់ថា ហូបមើមត្រាវច្រើន មានប្រយោជន៍សុខភាព

2018-11-02 03:20:00
ចំនួនមតិ 0 | ចំនួនចែករំលែក 0

ចន្លោះមិនឃើញ

និយាយដល់រឿងញ៉ាំត្រាវ ប្រហែលជាអាចមានអ្នកយល់ច្រឡំន័យផ្សេង ដែលគេតែងនិយាយលេង ទៅនឹងរឿងពាក្យ ដែលជានាំបញ្ហា នោះគឺការនិយាយដើមគេ។

ផ្ទុយពីនេះដាច់ស្រលះ ការបរិភោគ មើមត្រាវធម្មជាតិជួយច្រើនដល់សុខភាព សម្រួលការបញ្ចេញខ្យល់ និងអត្តប្រយោជន៍សំខាន់ ៣យ៉ាង។

១. សុខភាពពោះវៀន

មើមត្រាវជាប្រភព ដ៏អស្ចារ្យមួយ ដែលមានផ្ទុកដោយជាតិសរសៃ។ ប្រជាជនអាមេរិកភាគច្រើន គឺមិនទទួលបានជាតិសរសៃគ្រប់គ្រាន់ពីរបបអាហារឡើយ ខណៈពេលដែលតម្រូវការប្រចាំថ្ងៃមនុស្សយើងជាមធ្យមប្រហែល១៥ក្រាម។

ស្ត្រីត្រូវការជាតិសរសៃ ២៥ក្រាមក្នុងមួយថ្ងៃ ខណៈ បុរស ៣៨ក្រាម។ ការទទួលទានមើមត្រាវ មិនត្រឹមតែជួយបំបាត់ការទល់លាមកទេ តែវាក៏ជួយបន្ថយការប្រឈមនឹងជំងឺបេះដូង និងទម្ងន់មានសុខភាពល្អដែរ។

២. បញ្ចុះកូឡេស្តេរ៉ុល

ជាតិសរសៃក្នុងមើមត្រាវ វាជាប្រភេទសរសៃមិនរលាយ ដែលត្រូវបានគេរកឃើញថា ជួយបន្ថយការប្រឈមនឹងជំងឺមហារីកពោះវៀនធំ ពង្រឹងដល់មុខងាររំលាយអាហារ និងមានទម្ងន់សុខភាពល្អ។ ជាតិសរសៃមិនរលាយ ជួយបញ្ចុះកូឡេស្តេរ៉ុល និងសម្ពាធឈាមដែរ។

កាលណាសម្ពាធឈាមចុះមកធម្មតា ហើយមិនលើសកូឡេស្តេរ៉ុលក្នុងឈាមទៀត នោះអ្នក នឹងមិនងាយមានជំងឺបេះដូងឡើយ។

៣. សម្រួលដល់សម្ពាធឈាម

ការសិក្សាខ្លះបានបង្ហាញថា វាមានទំនាក់ទំនងមួយរវាងសម្ពាធឈាម និងរបបអាហារសម្បូរជាតិប៉ូតាស្យូម។ ការញ៉ាំជាតិប៉ូតាស្យូមកាន់តែច្រើន ត្រូវបានគេរកឃើញថា ជួយបន្ថយសម្ពាធឈាមដែលលើសបាន។

អ្វីដែលសំខាន់នោះ និងការពិតនោះគឺថា កាលណាសម្ពាធឈាមកាន់តែខ្ពស់ អ្នកប្រឈមកាន់តែខ្លាំងនឹងជំងឺដាច់សរសៃឈាមខួរក្បាល ជំងឺបេះដូង និងដាច់សរសៃឈាមខួរក្បាល។ ប៉ូតាស្យូមនឹងជួយបន្ធូរសរសៃឈាម ដែលអាចបន្ថយការប្រឹងខ្លាំងរបស់បេះដូងបានដែរ៕

ប្រភព៖ Health.com.kh ប្រែសម្រួល៖ ពៅ រក្សា