ចាំស្រែកសាទរ! ទូកងវែងបំផុតលើលោកចេញពីស្នាដៃខ្មែរ ត្រៀមទម្លាក់ចូលទន្លេមុខវាំង
- 2018-11-07 03:55:44
- ចំនួនមតិ 0 | ចំនួនចែករំលែក 0
ចាំស្រែកសាទរ! ទូកងវែងបំផុតលើលោកចេញពីស្នាដៃខ្មែរ ត្រៀមទម្លាក់ចូលទន្លេមុខវាំង
ចន្លោះមិនឃើញ
ទូកងវែងបំផុតលើលោករបស់កម្ពុជាមានឈ្មោះថា “កម្ពោជិកបុត្តាខេមរាតរី” ពេលនេះបានឈានដល់ទីបញ្ចប់ជាស្ថាពរហើយ និងត្រៀមបង្ហាញខ្លួនដើម្បីកត់ត្រាចូលក្នុងកំណត់ត្រាពិភពលោក(Guinness World Records) នៅថ្ងៃទី១២ ខែវិច្ឆិកា ឆ្នាំ២០១៨ នៅខេត្តព្រៃវែង។ នេះបើតាមការបញ្ជាក់របស់ឯកឧត្ដម ស សុខា ប្រធានសហភាពសហព័ន្ធយុវជនកម្ពុជា ប្រចាំខេត្តព្រៃវែង។
បន្ទាប់ពីធ្វើការតាំងបង្ហាញ នៅអ្នកលឿង ខេត្តព្រៃវែង ទូកងដ៏វែងស្មានមិនដល់កើតចេញពីកម្លាំង សាមគ្គីមហាគ្រួសារខ្មែរ នឹងត្រូវយកមកតាំងបង្ហាញនៅរាជធានីភ្នំពេញ រយៈពេល១សប្ដាហ៍ ទៅ១០ថ្ងៃ នៅវាលព្រះមេរុ ដើម្បីឲ្យមហាជនចូលទស្សនា។ អ្វីដែលកាន់តែពិសេសនោះ ទូកមហាអស្ចារ្យ គ្មានពីរលើលោកនេះ នឹងត្រូវយកអុំបើកក្បាល ក្នុងព្រះរាជពិធីបុណ្យអុំទូក អកអំបុក និងសំពះព្រះខែ នៅថ្ងៃទី២១ ២២ ២៣ ខែវិច្ឆិកា ឆ្នាំ២០១៨ខាងមុខនេះ។
បំណងធំ៣នៃការបង្កើតកំណត់ត្រាទូកវែងបំផុតក្នុងលោកនេះគឺ
១. រំលឹកឡើងវិញនូវប្រវត្តិដ៏យូរលង់នៃការផលិត និងការប្រើប្រាស់ទូកងរបសខ្មែរតាំងពីបុរាណ និងស្នាព្រះហស្ថព្រះមហាក្សត្រខ្មែរគ្រប់ជំនាន់ ជាពិសេសព្រះបាទជ័យវរ្ម័នទី៧ ដែលបានប្រើប្រាស់ទូកង ជាមធ្យោបាយមួយក្នុងការធ្វើសឹកសង្គ្រាមជាមួយសត្រូវ ការពារបូរណភាពទឹកដី ។
២. ជួយលើកតម្កើងកិត្យានុភាព ដោយបង្ហាញពិភពលោកទាំងមូល ឲ្យដឹងកាន់តែច្បាស់ថា កម្ពុជាអាចបង្កើតស្នាដៃដ៏អស្ចារ្យមួយ។
៣. ជម្រុញស្មារតីស្នេហាជាតិ និងសាមគ្គីភាពនៃយុវជនជាកូនចៅជំនាន់ក្រោយ៕