ខ្លាំងអី! ចេញបានមួយសប្តាហ៍ iOS 12.1 ត្រូវជើងខ្លាំង Jailbreak បានបាត់

2018-11-07 12:31:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រព័ន្ធប្រតិបត្តិ iOS 12.1 ដែលបានដាក់ឲ្យប្រើប្រាស់កាលពីថ្ងៃទី ៣០ តុលាកន្លងទៅ ត្រូវបានក្រុម KeenLab របស់ប្រទេសចិន ធ្វើការ Jailbreak បានដោយជោគជ័យលើម៉ាស៊ីន iPhone XS Max របស់ Apple។

លោក Liang Chen សមាជិកមួយរូបក្នុងក្រុម Keen Security Lab បានបង្ហោះពីភាពជោគជ័យរបស់ខ្លួនលើបណ្តាញសង្គម Twitter ហើយថែមទាំងប្រកាសថានឹងបើកការធ្វើបទបង្ហាញជាសាធារណៈមួយក្នុងព្រឹត្តិការណ៍ POC 2018 នាថ្ងៃសុក្រទី ៩ វិច្ឆិកានេះ ចន្លោះម៉ោង ១៦:៣០ – ១៧:៣០ នាទី ។

យ៉ាងណាមិញបើតាមការឲ្យដឹង Chen នឹងគ្មានថ្ងៃចេញផ្សាយកម្មវិធី Jailbreak ឲ្យប្រើប្រាស់ជាសាធារណៈទេ ព្រោះនេះអាចថាជាទម្លាប់របស់ក្រុមការងារស្រាវជ្រាវប្រទេសចិនមួយនេះទៅហើយ។

រំឭកថា Tencent Keen Security Lab បានបង្កើតឡើងនាខែមករាឆ្នាំ ២០១៦ ផ្តោតចម្បងលើកិច្ចស្រាវជ្រាវប្រព័ន្ធសុវត្ថិភាពប្រព័ន្ធប្រតិបត្តិ PC/Mobile, កម្មវិធី, បច្ចេកវិទ្យា Cloud Computing, ឧបករណ៍ឆ្លាតវៃ IOT ជាដើម>