ខួបអាពាហ៍ពិពាហ៍៤ឆ្នាំ គង់ សុធារិទ្ធ បែរចាកចោលប្រពន្ធកូន

2018-11-08 03:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្ងៃទី៨ ខែវិច្ឆិកា ជាថ្ងៃខួបអាពាហ៍ពិពាហ៍របស់តារាចម្រៀង គង់ សុធារិទ្ធិ និងភរិយា ដែលបានរៀបការជាមួយគ្នារយៈពេល៤ឆ្នាំមកហើយ។ តែគួរឲ្យស្ដាយឆ្នាំនេះ ម្ចាស់បទ "រូបអូនក្នុងបេះដូងបង" បែរជាមិនអាចនៅជិតប្រពន្ធកូន រៀបចំកម្មវិធីសប្បាយៗ បង្កើតអនុស្សាវរីយ៍ដូចរាល់ឆ្នាំ។

មូលហេតុដែលមន្ត្រីបម្រើការងារនៅក្រសួងវប្បធម៌ និងវិចិត្រសិល្បៈថ្នាក់អនុប្រធាននាយកដ្ឋានសហប្រតិបត្តិការវប្បធម៌អន្តរជាតិ និងកិច្ចការរអាស៊ាន មិនអាចនៅជិតប្រពន្ធកូនបាន ដោយសារលោកជាប់បំពេញបេសកកម្មនៅប្រទេសសិង្ហបុរី ក្នុងកម្មវិធី "ប្រគំតន្ត្រីអាស៊ាន One Voice: The Best ASEAN Performance Arts”។ ដំណើរនេះ លោកបានចាកចេញពីកម្ពុជា តាំងពីថ្ងៃទី ៦ ខែវិច្ឆិកា ម្ល៉េះ ដោយរួមដំណើរជាមួយសិល្បករច្រើននាក់។

គង់ សុធារិទ្ធ និងមិត្តសិល្បករ ពេលត្រៀមចាកចេញពីកម្ពុជាទៅសិង្ហបុរី

ទោះជានៅឆ្ងាយពីគ្នាក៏ពិតមែន តែលោក គង់ សុធារិទ្ធ នៅតែនឹករលឹកដល់មនុស្សជាទីស្រលាញ់ជានិច្ច ។ លោក គង់ សុធារិទ្ធ បានរៀបការជាមួយ អ្នកនាង ហ៊ុន ចាន់ណេត ជាបុគ្គលិកនៅក្រុមហ៊ុនឯកជនមួយ ដោយមានកូនប្រុសម្នាក់ ឈ្មោះ គង់ ឬទ្ធិ សក្តិ អាយុ៤ឆ្នាំ៕

អត្ថបទ៖ លឹម សុនា