Mate 20 Pro ទើបចេញថ្ងៃមុនសោះ ឥលូវមានលក់មួយទឹកបាត់

2018-11-08 08:05:56
ចំនួនមតិ 0 | ចំនួនចែករំលែក 0

ចន្លោះមិនឃើញ

Mate 20/20 Pro ស្មាតហ្វូនប្រើប្រាស់កាមេរ៉ាបីគ្រាប់មានអេក្រង់ទំហំ ៦.៣ អ៊ីញប្រភេទ AMOLED។ នឹងជាស្មាតហ្វូនដំបូងគេរបស់ខ្លួនមានប្រើប្រាស់បន្ទះឈីប Kirin 980 ទំហំ ៧ ណាណូម៉ែត្រ ដែលសន្សំសំចៃថាមពល និងផ្ដល់ប្រតិបត្តិការលឿនជាងមុន។

ត្រូវបានប្រកាសចេញកាលពីថ្ងៃទី១៦ តុលា និងមានលក់នៅលើទីផ្សារកម្ពុជានៅដើមខែ វិច្ឆិកាក្នុងតម្លៃ ៦៦៦ ដុល្លារ សម្រាប់ម៉ូដែល Mate 20 ទំហំ 64GB និងតម្លៃ ៨៨៨ ដុល្លារ សម្រាប់ម៉ូដែល Mate 20 Pro ទំហំ 128GB។ តាមប្រភពពីហាង The V Store ស្មាតហ្វូនជំនាន់ថ្មី Mate 20 Pro មានលក់មួយទឹកក្នុងតម្លៃ ៧៨០ ដុល្លារ។

Mate 20 មានជម្រើស RAM ទំហំ ៤ GB, ៦ GB និង ៨ GB អមនឹងអង្គផ្ទុកទំហំ ៦៤ GB ឬ ៥១២ GB។ ចំណែក Mate 20 Pro មាន RAM ទំហំ ៦ GB ឬ ៨ GB អមនឹងអង្គផ្ទុកទំហំ ១២៨ GB ឬ ៥១២ GB។ Mate 20 មានថ្មទំហំ ៤០០០ mAh និង Mate 20 Pro មានថ្មទំហំ ៤២០០ mAh។

ជាមួយនិងកាមេរ៉ា ៣ គ្រាប់ដែលមានវត្តមានលើស្មាតហ្វូនទាំងពីរអាចជួយឲ្យកាមេរ៉ាលើ Mate 20/20 Pro មានសមត្ថភាព Zoom ចូលបានរហូតដល់ ៥ ដង ដោយមិនខូចគុណភាព ហើយក៏ជួយបង្កើនសមត្ថភាពថតរូបក្នុងទីងងឹតទៀតផង៕